In obitum juvenis praestantissimi, Hadriani Constantini Houttuin(1737)–Franciscus Rygersbos– Auteursrechtvrij Vorige [Folio A1r] [fol. A1r] In obitum juvenis praestantissimi, Hadriani Constantini Houttuin. FLorea temporibus, Musae, nunc demite serta, Inque humeris sparsae sint sine lege comae. Ponite nunc citharam manibus, nuns ponite plectrum. Maestaque nunc querulis edite verba sonis. Fundite nunc lacrimas, nunc pectora plangite dextris; Occidit, heu! juvenum gloria, vester amor. Deseruit vitae dulces Houttunius auras, Conditaque in nigro spes jacet illa solo. Quid misero prodest juveni, noctesque diesque Castalidum sacris invigilasse choris? [Folio A1v] [fol. A1v] Quid prodest Latiis Musas junxisse Pelasgas? Astraeam Sophiae quid sociasse juvat? Quid prodest varias mentem coluisse per artes? Ut patet, in Parcas jure Minerva caret. Non pietas, niveique, ullo sine crimine, mores Pellere inexpletae vim potuere necis. Non decus egregium formae, non frontis honestae Gratia, florentes non potuere genae. Sic modo tam suavem rosa quae spirabat odorem, Heu! heu! mox, curva falce resecta, cadit. Sic quae tam plenis hodie tumet uva racemis, Cras misere dura grandine laesa, jacet. Ergo, proh! fati nimium vis aspera! somnus Ferreus Houttuni lumina clausa premit! Quid saevis? Quonam raperis, mors dira, furore? Quid juveni rigidas injicis, atra, manus? Invida! nonne animum poteras satiare cruentum Decrepito, cui tu saepe vocata, sene? [Folio A2r] [fol. A2r] Nonne tibi juvenum satis ingens copia, turpi Otia qui luxu desidiosa terunt? Hei mihi! non poteras capiti tam parcere caro? Praeda tibi, Clotho! non nisi tanta placet! Ast ego quid vanis nequicquam conqueror auris? Quid jacio in rapidos irrita verba notos? Ille suos, nullis lacrimis revocandus, amicos Deserit, & demto sine carendus abit. At nomen placitum Musis, & candida virtus Effugiunt nigri tristia fata rogi. Quin ipso major fato, super aethera vectus, Transigit aeternas, & sine nocte dies. Fransiscus Rygerbos. Literarum Stud: Amstelaed. Natus in India Batavorum: Defunctus Amstelaedami, anno Aetatis XIX. die 6. Januarii. Anno MDCCXXXVII. Vorige