Werken. Deel 4. Dat rike der ghelieven. Vanden vier becoringhen. Vanden seven sloten. Van seven trappen

Regelnummers proza verbergen

Vander ander wisen van oefeninghen. C. VII.

8Ute deser caritaten comt die andere wise in gheesteliker 9oefeninghen, met ‧iij‧ punten, dat es begheren, bidden en̄ 10eyschen: begeren int herte, bidden met den monde, eyschen 11met den gheeste. Wiselen die gracie en̄ die hulpe Gods begheren 12met innigher devocien te sijnre eren, en̄ te onser noot, 13hem mede te dienenne. Dese begherte sal berren in onse 14siele met liefden en̄ met loste den liefsten wille Gods te volbringene, 15met al dat wi vermoghen. Hier ute comt dat ander 16punt, dat is bidden en̄ beden⁽²⁾ met herten en̄ met monde. 17Wi selen bidden onsen hemelschen Vader, want hi is een 18ghevere goeder ghiften⁽³⁾ en̄ alre volmaecter gaven, dat hi 19ons gheve den gheest soenliker vreesen⁽⁴⁾, alsoe dat wi reverencie 20hebben tote heme, en̄ vreesen hem te verbelghene met 21sonden; en̄ dat hi ons oec gheve den gheest der ghenadicheit, 22alsoe dat wi saechte, ghenadich, oetmoedich en̄ goedertieren 23sijn allen menschen die ons behoeven⁽⁵⁾, in sinen

(2) A.G. en̄ beeden. Zoo leest men ja in onze dry Hss. waerschynlyk echter heeft er oorspronkelyk gestaen, bidden, beede met herten en̄ met monde. Surius vertaelt: et hine alterum, hoc est, oratio proficiscitur, quae fit ore et corde.

(3) A.G. ghichten.

(4) filialis timoris, zegt Surius.

(5) Sur. erga omnes nostri indigos.

[p. 22]

1name, in rechter doechtsamheit. Wie selen oec bidden dat 2bi ons gheve den gheest der sciencien en̄ der const, alsoe dat 3wi wandelen voir hem en̄ vore alle menschen in eersamen 4seden, ghewarich in woerden, in werken, in doene, in latene, 5in ghedoghene, en̄ wel gheordent in allen dinghen, alsoe dat 6nieman in ons ghearghert en werde maer ghebetert in alre 7wijs.

8Nochtan⁽¹⁾ selen wi bidden onsen hemelschen Vader, dat 9hi ons gheve den gheest der starcheit, alsoe dat wi verwinnen 10moghen alle dinc, den duvel, die werelt en̄ onse eyghen 11vleysch, ende alsoe leven wi met Gode in vreden. Oec selen 12wi bidden den Vader der lichte en̄ alre waerheit, dat hi ons 13gheve den gheest des raeds, soe volgen wi Christum na boven 14alle hemele, ende versmaden die werelt met al dien dat hare 15toebehoirt: soe sijn wi ghewarighe discipulen ons Heren 16Jhesu Christi en̄ sine navolgheren. Wi selen oec begheren en̄ 17bidden dat ons God gheve den gheest ghewarichs verstaens, 18soe wert onse redene claer, soe moghen wi verstaen alle 19waerheit diere ons noot is in hemel en̄ in erde.

20Voirtmeer selen wi bidden onsen almachtighen Vader en̄ 21Jhesum Christum sinen ewighen uutvercorenen Sone dat 22si ons gheven den gheest der wijsheit, soe sal ons missmaken 23en̄ verleden⁽²⁾ al dat verganckelic is: en̄ dan selen wi sien, 24smaken en̄ ghevoelen die soeticheit Gods, die sonder mate 25grondeloes is; en̄ dan selen wi vrilic eyschen den heylighen 26Gheest in ons, die een here is alre gracien en̄ alre glorien, 27alre gaven en̄ alre heylicheit in hemel en̄ in erde. Dit is die 28andere wise hoe wi begheren, bidden en̄ eyschen selen onsen

(1) Versta daerenboven. A.G. Noch selen wi.

(2) A.G. verleeden, dat is walgen. Surius vertaelt taedio nobis erit.

[p. 23]

1hemelschen Vader, op dat wi hem gheliken, en̄ Christum 2sinen Sone navolghen, ende met hem beyden besitten hare 3glorie in enicheit des heylichs Gheests ewelic, sonder einde.