Doe bleefs in mich

[p. 48]

Och, eulenteule kraaktuut...

Och, eulenteule* kraaktuut*,
En kònkernölle* sjpènderik*,
Wie lang nog eer ich, kort en gout,
Veur ummer sjtil te sjlaope lik?

Dan is 't gedaon mit sjpas en sjpeel
En al 't geklòmmels van vandaag,
De dommerieë wo ich mich
Noe kriesjèntaere òm beklaag.

Ei bitje lol en vööl gedouns,
En zörg en pien en òngemaak, -
En 't kröömke wurd weir ingepak,
Veur gout gesjlaote heel de zaak.

Doe, kraaktuut mit diene sjpènderik,
En alle löstigheid en leid,
Wie lang nog pès* op 't cieferblaad
De wiezer neit mee wieër geit?

[p. t.o. 48]

Felix en Jules Rutten (21 april 1897).

[p. t.o. 49]

Felix Rutten 18 jaar (1900).