Rethoricale wercken(1562)–Anthonis de Roovere– Auteursrechtvrij Vorige Volgende Goede leeringhe. NV ist tijdt dat ick steruens wensche Nv wil ick alle solaes ghaen begheuen Nv en ghelooue ick gheenen mensche Nv is mijn hope gheheel ontdreuen Nv mach my wel verdrieten dleuen Nv soe gheuoel ic der wereldt sneuen En kenne datse is vol druckich gheweens Nv heb ick rechte wantrouwe beseuen Schalckelijck gheschoren, bedrieghelijck geweuen Want dwoordt en therte en zijns niet eens. Wien salmen segghen vreempde parcheelen Wien salmen nu secreet ontdecken Wien salmen therte teghens deelen Wien salmen nv een last vertrecken Wien salmen nv voor vriendt ontwecken Aen wien salmen nv sinnen strecken Js trouwe op aerden, Eylacen neens De wereldt dunckt my vo valscher becken Wien salmen gheloouen, dus weert om ghecken Want dwoordt en therte, en zijns niet eens. Mijn herte cleeft in dese heresie Mijn hooft ontempert, mijn ooghen weene Want wat is meerder verrraderije Dan woorden spreken sonder meenen Hoe machmen goey herten bet verbeenen Jck segghe men mochtse lieuer steenen. [Folio 71r] [fol. 71r] Ter doodt, die dus doen veel vercleens Godt wille hem zijnen loon verleenen Men mach betrouwen eenen noch gheenen Want dwoordt en therte, en zijns niet eens. O bedrieghelijck ghewichte, o valsche balanche Dijn suycker is binnen al reghael Ghy maeckt voor my een schoone samblanche Maer de wortel is drooghe, al bloeydt den stael O vrouwelijck herte, amoureux sindael Tfy schoot ghy in my der minnen strael Jae sonder meenen eens nochte gheens My tonder te bringhene om cort verhael Was properlijck dijn principael Want dwoordt en therte en zijns niet eens. Hoe mach in yemant dese valscheydt ruysschen Een Enghel schijnende int spreken int lesen Op tcorte ick en cant niet meer vercuysschen Ghy waent my doen mijn deckspaen wesen Die sonne die was soe hooghe gheresen Ghy en mocht haer bernen niet ghenesen Dus socht ghy de coelte aen my ick meens En die v beschenen hadde tot desen Heeft my v werck ghelooft ghepresen Maer dwoordt en therte, en was niet eens. Ist niet wel redene om te verhittene Ende seere verdrietelijck te verdraghene Met ander lieden cleederen in dasschen te sittene En mijn nuese met mijns selfs slippen te vaghene, Ghelijck de Jaghere dwilt pleech te iaghene [Folio 71v] [fol. 71v] Dwelck hy meynt ter doodt te plaghene Subtijlick hem doende veel gheteens Dus vingt ghy my met dijnen ghewaghene Dwelck my langhe sal staen te claghene Want dwoordt en therte en warens niet eens. Doch ist voor niet van clachte ghesproken Want tusschen ons beyden was lof noch coop En al waert soe, ghy hebbet eerst ghebroken Dus loopt de bolle vry haren loop Maer looser smeer my noydt bedroop Die tRoomken vanden potte soop. Wilde my tveruloten worpen binnens beens Der stricken waren gheleydt eenen grooten hoop, Maer by onvoorsinnichede ick ontcroop Want twoordt en therte en warens niet eens. Prinche sulck waent verschoonen maer hi verleelict Drieacle is seer goet bijden fenijne Dus laet ickt schrijuen, niet voorder deelickt Die wel doet crijcht goedt loon ten fijne Jhesus ende die Moedere zijne Moeten ons beschermen van alder pijne Ende brenghen daer eewelijck is wat reens Poocht wel te doene tallen termijne Soe muechdy commen ten claren schijne Daer dwoordt en therte wordt al eens. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij