Rethoricale wercken(1562)–Anthonis de Roovere– Auteursrechtvrij Vorige Volgende Amoureuse groetenisse. JOnstelijck groeten minnelijck voorschreven Aen v die zijt mijnder herten strael Trueren werdt in mijn hert gheweuen Ten sy v soete ionste reael Bouen allen vrouwen principael Die nv inne der werelt leuen Medecijne substanciael Ghy muecht mijnder herten ghesonde gheuen. Gheuen muechdy my ghesonde Jn allen vren in allen tijden Och mocht ick leuen noch te stonde Dat ghy ghaeft doch een verblijden Jck soude te hueghelijcker lijden<--- De swaere quale die ick nv gronde Ende worpen altoos druck bezijden Jn wat maertchen dat ickse vonde. Vonde ick noch dat ghy my ghaeft Troost, daer ick in verblijden mochte Mijn herte worde daer mede ghelaeft. [Folio 60r] [fol. 60r] Heere Godt soe leefdick in vruechden zochte Jst anders oock in v ghedochte Ten baedt my niet ghepijnt gheslaeft Tware om niet al dat ick wrochte Als een die verrotte willighen schaeft. Schaefdick der verrotter willighen troncken Drooghe stof dat waere mijn loon Js my v vrientschap oock ontsoncken Soe moet ick volghen den seluen thoon Noch soude ick hopen op een verschoon En ware der valscher nijders voncken Die altoos pooghen om ghecroon Te worpene, daer voortijdts vruechden cloncken. Cloncken mijn woorden als vedel snaren Lieuelijck, soete ten beghinne Soe ickse gheerne soude verclaren By goeder rechter noyaelder minne Al waerdy noch soe hert van sinne V soude ontfermen mijn misbaren Maer ruudtheyt, licht met my ten thinne Dus moet ic leyder vruechden sparen. Sparen moet ick der vruechden rijsen Die seer wanckele in my bloeyen Ten sy dat ghy my wilt bewijsen Dat uwe sinnen te mijwaerts vloeyen Secretelijck sonder yemants moeyen Der wroeghers heb ick groot afgrijsen Of zijder quaet cruydt daden tusschen groeyen Waer by coude van liefde in v mocht rijsen. [Folio 60v] [fol. 60v] Rijsen moet ick als Liebaert snel Omdat wy als nv moeten scheyden Vol lijdens ben ick en swaer ghequel En suchten sal voortaen in my spreyden Rouwelijck wil ick my seluen cleeden Eens ter vruechden borch wordt mijn voortstel Hope heeft my soe in huer beleyden Adieu schoon Lief vaert eewich wel. Vorige Volgende
Auteursrechtvrij Auteursrechtvrij Auteursrechtvrij
Auteursrechtvrij
Auteursrechtvrij