Rethoricale wercken

[fol. 30r]

Testament van een goede vrouwe.

SJmpel, ghesedich van ghelate
Niemant te merckene op de strate
Stille van woorde, van spraecke schaers
Rechtuaerdich, sonder waeniewaers,
Deuotelijck wesende inder kercken
Ende thuys doen goede ghewercken
Sober van drancke, ende van ate
Jn al haer doen houdende mate
Gheuen noch nemen, van gheenen man
Dan daer zijt met eeren doen can
Van moede minnelijck ende sachte
Voorsinnich, ende suyuer int ghedachte
Houdende haer eere stijf met trouwe
Dan wordtse ghepresen een goede vrouwe.