Rethoricale wercken

Twaelf ouderdommen oft tijden der menschen, ghecompareert teghens die tweelf Maenden vanden Jare.

¶ Januarius.
Ionck gheboren, onnoosel cleen ick
Cranck, teeder, van cleene saken ween ick
Totten seuen Jaren, dus tsijne meen ick.

¶ Februarius.
Om leeren om wercken, ter scholen gae ick
Leeringhe vroedtsel, onder de roe ontfae ick
Jn desen staet totten veerthien Jaren stae ick

¶ Martius.
Ionck, dom, wilt, inden locht clem ick
Sorgheloos tusschen twee wateren zwem ick
Totten tweentwintich Jaren sulck ben ick.

¶ Aprilis.
In solaes, in ghenuechten, beclijf ick
Alle druck, verdriet, onvruecht verdrijf ick
Totten neghenentwintich Jaren, dus blijf ick.

[fol. 21v]

 

¶ Maius.

 

Domme ionckheyt nv begheef ick

 

Om eenen staet aen te nemene leef ick

 

Totten sessendertich Jaren, in desen staet beef ick.

 

 

 

¶ Junius.

 

In lasten van kinderen ende sorghen nv com ick

 

Jn rijckheden ende wijsheden gheerne clom ick

 

Dus tzijne drijenveertich Jaren, my beroem ick.

 

 

 

Julius.

 

Wijs, swaermoedich, nv tzijne beghin ick

 

Teghens doude en aermoede, ghelt bemin ick

 

Totten tweenvijftich Jaren, aldus bin ick.

 

 

 

¶ Augustus.

 

Vreck, onlustich, my voort aen draech ick

 

Nv hier nv daer, wee my claech ick

 

Totten neghenenvijftich Jaren altemet traech ick

 

 

 

¶ September.

 

Traghende, claghende, cranck oud ick

 

Onghenoechte, ialousie, behoud ick

 

Tot sessentsestich Jaren toe terd ick, dus vercond ick

 

 

 

¶ October.

 

Jnt ghesichte en int hooren, cranck ick

 

Hier toe commende, Gode bedanck ick

 

Totten drijentseuentich Jaren, met alle manck ick.

 

 

 

¶ Nouember.

 

Moeylijck ende vol drucx bedie ick

 

Alle ghenuechten ende solaes vlie ick.

 

Op den voorleden tijdt wel spade sie ick.

 

 

 

¶ December.

 

Te nieten versuft een kint blijck ick

 

Crom, stom, altoos ter aerdewaerts wijck ick

 

Totter doodt toe, aldus kijck ick.