Rethoricale wercken

[fol. 20r]

Corte bedinghe.

O Moghentheyt des vaders sonder cesseren
O wijsheyt des soons, o eewich regneren,
O goedertierenheydt tsheylichs geests, die eeuwich regent // es
Die mijn siele, na v beelde wildet figureren
Om datse te samen souden conquesteren
En verkiesen de glorie die sonder hendt // es
Ontfermt mijns Heere, als die siende blendt // es
Ende elcken die dit Dicht leest soot staet
Ende verleent ons gratie, eer dleuen gheschent // es
Dat wy moghen beweenen al onse mesdaet.