Te koop wegens vertrek

[p. 25]

[Te tide bigi soela e trotji]

te tide bigi soela e trotji
a swit' lobi f' Anana abra
grun busi
leti sa de Anana taki
dan
alapres' kon krin so fja
dat ben de na fos' dé
n'a dé f' tu
Anana meki worku na hemel
n'a dé f' dri
A har' ala den watra k' a wang
liba bigin haswa go bilo
se bari p' wema
a meki kunje gi den krioro
di ben sa kon bakaten
bromki panja smeri
libi bigin
Anana ben lob'so
n'a dé f' fo a pot lampu
na hemel
n'a dé f' fefi A meki busmeti.
fowru nanga fisi tu
n'a dé f' siksi
Anana kriëri libisma
d'a gi den obia
no Anana si tak
wan san ben mankeri
dan tap na dé f' sébi
A mek Sranan fu kibri
den lobipikin fu en ede
A taki
tap na pis' doti disi
fuka no sa de
fisi sa monjo a liba
njanjan sa de tego
ma Anana no ben satisfaksie ete
n'e tap na dé f' aiti
A mek' ju....