't Amsteldams flvytertie fluytende op zyn fluytje sijn Amsteldamsche boertighe ghesangen op boertighe voysjes
(1626)–E. Pels de Jonge–
Auteursrechtvrij
[pagina 5]
| |
Op de Wyse: Nu singht en springht, nu rijdt ten dans.HOort Bevallijcke Harderin
U Harder inde Weyden,
Fluyten de ghetrouwe Min
Die wy onder ons beyden
Hebben ghepleecht wel seven Jaer,
Eer dat het iemant wert ghewaer,
Maer wy zijn nu van malcander gescheyden.
Ick sal u verlaeten niet
Mijn trouwe Harderinne,
Ay comt hoort my hier in het Riet
| |
[pagina 6]
| |
Melde ons soete Minne,
En 'tgheen ick vaeck wel heb ghedaen
Om van u schoonste troost t'ontfaen
Wanneer ghy my stelde gants uyt u sinnen.
Hier over Amsterdam aen 'tY
Sal ick fluyten ons kuertjes,
Ons boertjes, onse vryery
En onse avontuertjes,
En al het gheen wy in het Velt
Malcand'ren hebben vaeck vertelt,
Van ons schallicke snappende ghebuertjes.
Wat hebben sy wel al uyt spijt
Van u en my gaen clappen,
| |
[pagina 7]
| |
Wat hebben sy uyt haet en nijt
Van ons weten te snappen,
Aen die Harders die haer Vee
Gaen hier daghelijcx weyden mee,
Om ons int minnen lief te betrappen.
Doch waerste stelt u Hart in rust,
Ick hoop in weynich daghen
Te doen al wat u Harte lust,
Ay wilt doch niet meer claghen,
En denckt hebben sy ons ghesien,
Lief koosen, datmen heeft sien schien
sulxc van die ons doen, uyt nijt overdraghen.
Al met der tijt. |
|