Limburgse vastelaovend-leedjes

D'r Sjoenkelwals

Teks en meziek: Wiel Knipa

Carnaval viere kans de dich liere,
kans de dich liere va kinks aaf aa.
Liks de nog werm beej de Mam oppen erm
da liers de 't sjoenkele al!
De ma die dee't dit,
(me dees as weegt me e kink oppen erm)
en doe, doe dees mit,
doe zings en sjoenkels mit:

Refrein:
Kom, sjoenkel 'ns richtig, richtig, richtig, richtig mit
't Is toch egaal, egaal, egaal, weën naëv diche zit....
Want oad of jonk, krank of gezonk, alles deed mit
Kom, sjoenkel 's richtig, richtig, richtig, richtig mit.

Biste te groeët vuur op der sjoeët,
Zette ze dich óp e sjokkelpeëd.
Doe sjnaps dich vas, en has wèr dieng sjpas,
in 't sjokkele bis de get weëd!
't Peëd dat deed dit,
(me deet es zeut me op e sjokkelpeëd)
en doe, doe dees mit,
doe zings en sjoenkels mit:
Refrein:

Wen Carnaval is, uëveral bal is
en gans de sjtad Vasteloavend viert,
sjoenkels de mit, umdat ginne vergit
dat wat he as kink had gelierd!
Gans Heële deet mit,
(me kriet zich in d'r erm),
en doe, doe dees mit,
doe zings en sjoenkels mit:
Refrein: