Limburgse vastelaovend-leedjes

Op zaoterdag vreij

Teks: Anny van Loo
Meziek: P. Bex

Zaoterdags veur daag en dauw
moot iech oet mie bed.
Daan zeet mie vröwke ummertow
hellep miech get met
maak al mèr de koffie klaor,
Sleip kemissies beij,
Daan gaon iech effe veur mien haor
Want diech höbs lekker vreij.

Refrein:
Daan moot iech wasse, daan moot iech sjrobbe,
Daan weurd gewit en getappeseerd
iech moot werreke wie e peerd,
Noe kreig iech kweerte, noe kreig iech knobbe,
Ach, iech haw 't neet mie beij,
Heije veer friedags al mer vreij.