Ad leopoldum primum,
cum Caesar crearetur Francofurti ad Moenum.
Anno 1658. Aug. primo.
INsereris numero Divum Leopolde, novosque
Regnorum titulos teneris, tibi sumis in annis,
Ascendis patrium Claro conspectus in Ostro
Ad solium, & triplici Populis Diademate fulges.
Olim Caesaribus stupuit quos Roma Triumphos,
Quos voeat Augustos, celebratâ Tibris in unda,
Quosque Nigrum tremuit sceptris regalibus AEquor;
Et quorum Imperio memorant sudasse Maeotin
Austria, quos toties redeuntes agmine vidit
Victrici, & Thracum post se tot colla trahentes
Assequeris, certae devovens corpora morti.
Impia Turcarum Magnaeque paras Orienti
Occasum, & Tanais victus tua sentiet arma.
Ultimus Europae finis dominabitur Isther:
Victor cognatoque Tago, multum addit honoris
Nutanti mundo, suspiriaque alta trahenti;
Et Ferdinandi, plenis singultibus Urnam
Polranti solator, ades rubicunda tenebras
Ceu fugat Aurora, & dissolvit gramina rore;
Jam Dominum appellant concordi voce Columnae,
Et Regni Proceres, totus tibi panditur Orbis:
Quaque patet Vestris foelix regnatur habenis,
Quod vivas Patris est; sed quod Germania vivat,
Id totum Leopolde tuum est! non Austria cladem
Nec diris metuit furibundum Mahometh armis:
Pax tibi laeta placet, tu mollia tempora fronti
| |
Scripta geris, non ipse Deus jam Belliger armis,
Sed cupit Austriaca se Majestate tueri:
Bella juvent Proavos, Tu Caesar pace Plus ultra,
Notus eris, jactentque suas Capitolia Lauros,
Tu non invideas, Mensisque suus stet Julo,
Occupet Augustus, vicinaque tempora cujus
Illuxit tibi prima dies, cum sceptra decoras
Implerere manus, laterique accingitur ensis,
Caesareumque Tuo Capiti Diadema refulsit:
Illuxit tibi prima dies Augustior illis,
Ut surgas, quorum Menses sunt Nomine noti,
Et semper tibi crescat Honos, ut limite nullo
Temporis aut spatiis aevi claudatur in aretis;
Ut Leo Stellatu, qui lucet in AEthere cauda,
Hospite jam Phoebo gaudens, sua lumina proebet,
Caesaribus tardeque jubet procedere menses,
Invalidos oestu nimio segnesque calore:
Sic Leopolde tuis illustras facta Parentum,
Et quicquid saeclo mirandum scripta vetustas
Relliquit nostro nato, te Caesare gaudet,
Deque tuo gestit laudes accendere Phoebo:
Sis Foelix, Faustusque tuis, ut tempora dentur:
Queis licet Heroum pacato cernere mundo
Laudes, ne foeda torpescant fortia facta
Sorde, nec aeterna res Gestae nocte laborent:
Quae speculum fient mundo: tu lumen & ipsis
Queis fulges radiis, assurget Fama Parentum,
Ut quos Illustres Orbis mirabitur, ide[...]
Ad vestras, spectans laudes, Leopolde, stupescat.
|
|
Auteursrechtvrij