Verscheyden bruyloft dichten ende liedekens ghedicht ende gecomponeert by verscheyden gheesten

Erato.

T'vijfde Liedt: Op de Wyse.

Mijn ziel maeckt groot den Heer.

GHeluckich is voorwaer,
Die man die openbaer,
Wandelt na Godts behaghen,
Godt sal hem gade slaen,
End' vryen hem voortaen,
Van der boosen aenslaghen.

Hy sal hem voor het quaet.

Bewaren vroech en spaet,
Die na sijn weghen leven,
Daerom vreest Godt met spoet,
Hy sal in overvloet,
Rijcklijck sijn seghen gheven.

Als een wijnstock vruchtbaer,

Sijn vruchten alle jaer,
Gheeft in bequame tyden,
Soo sal u huysvrou zijn,
En sal u kindren fijn,
Voortbrenghen met verblyden.

End' oft u eenich quaet

Aenquam, wilt metter daet,
Daerom niet zijn verslaghen,
Want Godt hier door probeert,
Die hy lief heeft end' weert,
Dus wilt zijn woord na jaghen.