Oprecht onderwijs van de letter-konst

[p. 2]

Salomons Gebedt.

Prov. XXX.

OVervloedige Rijckdom noch Armoede groot,
En wilt my Heere, op deser Aerden niet geven:
Ick mocht u versaken door groote noot,
Seggende: waer is de Heere gebleven?
De overvloedigheyt doet den Mensche sneven:
Want de Rijcke komt swaerlijck ten Hemel binnen,
Maer Heere, want ick op der Aerden moet leven;
Soo laet my matelijck mijn nootdruft winnen,
Ghy kent de brosheyt van mijne sinnen:
Rijckdom verheft, Armoede maeckt droeve,
Dus geeft my alleen, Heere, dat ick behoeve.