Gheestelycke plantaige van gheestelijcke op-climmende boomen

[p. 122]

Sy versoeckt te syn uyt de ghevanghenisse.

Stemme.
Doutes que me feux nu puissent durez.

1.

O liefsten Heere hoe langhe sal ick
Noch syn ghesloten
In dit allendich strick?
Waer in ick ben al ooghenblick
Met druck en pijnen overgoten.

2.

Mijn vleesch mijn aders, mijn zenuwen cleen

Die'k heb ontfanghen
Blyven te langhe by een:

[p. 123]

 

Schijnt datse niet en willen sche'en,

 

Om meerder druck in my te pranghen.

 

3.

 

Soo langhe mijne ziele ghesloten so is,

 

Sy schijnt te wesen

 

Als in aen Vanghenis:

 

Daerom compt in ghedachtenis

 

Om my hier te ontslaen van desen.

 

4.

 

Ten hanght voorseker maer aen u ghebodt

 

My los te laeten

 

Uyt dit vermoeyich kot:

 

Dat ghy sulcx dee't o eeuwich Godt

 

K'sou my in compst tot u, seer baeten.

 

5.

 

Hier so te wesen t'doet my veel belet,

[p. 124]

 

In oeffeninghen

 

Der deught en des Ghebedt:

 

Jae als ick ben om hoogh' gheset:

 

T'doet my den gheest weer neder bringhen.

 

6.

 

Hierom soo waer ick seer gern gheslaeckt,

 

Om te gheraecken

 

Tot u daer t'hert naer snaeckt:

 

Dat ghy dees vanghenisse braeckt

 

Dan sau hem mijnen gheest vermaecken.

 

7.

 

Lof wiltse breken van stonden voor goet

 

Eer ick beswijcke

 

Door cleynicheydt in moet:

 

Op dat ick hier met beter spoet

 

Vercrijghen mach het hemelrijcke.