Gheestelycke plantaige van gheestelijcke op-climmende boomen

[p. 108]

Sy seght: wat is den Hemel, en wat heb ick van u begheert op de aerde.

Stemme.
Ha ma chere Philis, &c.

1.

O Godt van hoogher werd'
Al sit ick hier op d'eerd'
Nochtans mijn hert en is hier niet,
Mijn herteken al met syn oogh'
Dat siet om hoogh'
Alleen naer u soo ghy wel siet.

[p. 109]

 

2.

 

Ick hebbet al doorsocht

 

Waer datmen soeken mocht;

 

In hemel en op aerderijck:

 

Of daer wel waer een saeck so puer

 

In de natuer,

 

Die u van weerde waer ghelijck.

 

3.

 

Al wat hem hier vertoont

 

Het is wel fraey verschoont

 

Het schint dat weerdich is bemint:

 

Maer noch en cant my niet aenstaen

 

Noch niet versaen

 

Alsmen u daer niet in vindt.

 

4.

 

Mijn hertsen is oprecht,

[p. 110]

 

Aen t'uwe vast ghehecht,

 

Ten wilt maer hebben u alleen:

 

T'ghen dat hem toont tot een verkies

 

Het biet verlies,

 

Ghy zijt den eenen die ick meen.

 

5.

 

Met u soo heb ick't al,

 

Dat is, en wesen sal,

 

En dat gheweest is t'eender tijdt:

 

Hoe souder connen dan gheschien

 

Dat ick sou sien

 

Naer dinghen die ghy niet en zijt?

 

6.

 

Lof aenghesien mijn hert

 

Soo sterck ghedreven werdt,

 

Tot u die zijt mijn hooghste goet

[p. 111]

 

Sterckt my ghedurichlick hier in,

 

D'ack u bemin,

 

Alsoo ick u beminnen moet.