Gheestelycke plantaige van gheestelijcke op-climmende boomen

[p. 89]

Sy weygert hem in een vremde landauwe te sin- ghen den l.offanck des heeren.

Stemme.
Pris au Jourduy dans vostre flamme.

1.

O Godt ick ben hier overgoten
Met eene droefheyt over-groot:
Mijn hert duynckt my in my ghesloten
Het is swaermoedich heel al of het waer van loodt.

2.

Van't droevich herte wort ghestolen

Alle ghenoechte, en plaisier:

[p. 90]

 

Wort in de blyschap sanck bevolen

 

Hy wort verboden scherp, in druck ende dangier.

 

3.

 

Ghy wilt my hier tot sanck beweghen

 

Duynckt u wel: dat ick connen sou?

 

K'en ben hier toe nu niet gheneghen

 

Nu ick my vinde hier in een vremde landauw.

 

4.

 

Ick zit hier onder vremde heeren

 

Die niet en syn van ons faitsoen,

 

Die my altijdt hier willen leeren

 

Dat ick sou volghen alle hun manier van doen.

 

5.

 

Ick weyghert hun in alle uren

 

En hebbe liever met verdriet,

[p. 91]

 

Mijn ballinchschap noch te besueren

 

Dan dac'k sou tegen doen, aen t'gene dat gy gebiet.

 

6.

 

Het is voor my een groot allende

 

Hier soo te leven in gheween,

 

In ballinckschap by d'onbekende,

 

Daer ick niet van en can, als ick van hun wil scheen.

 

7.

 

En wilt tot sanck my dan niet d'wijnghen

 

Soo lanck als ick een ballinck sy;

 

K'sal uwen lof al stille zinghen

 

In een bedroevich hert int binnenste van my.

 

8.

 

Lof daer en tusschen wilt verwerven

 

Dat ick van ballinck vry mach syn:

[p. 92]

 

Laet my mijn vaderlandt be-erven,

 

Dan sal ick u publijck, loven op elck termijn.