Gheestelycke plantaige van gheestelijcke op-climmende boomen

Sy bidt dat haer ooghen beschermt worden, om de ydelheydt niet te sien.

Stemme: Heureux se jour.

1.

O Godt wilt my helpen bewaeren
Mijn cranck ghezicht,
K'en ben in't zien niet wel hervaeren,
Noch vast ghesticht:

[p. 56]

 

Al willen d'ooghen op dese weghen

 

Heel tot u syn;

 

De ydelheydt die compt my teghen

 

Met haeren schyn.

 

2.

 

Hierom eer dat ick die aenschauwe

 

In my ghemoet,

 

Sijt my behulpich, en ghetrouwe

 

Met alder spoet;

 

Leght uwe handen op mijn ooghen

 

Van nu seer dicht,

 

Soo en sal sy haer niet vertooghen

 

In mijn ghezicht.

 

3.

 

Ick weet dat sy mijn ziel is schaedigh

 

Tot alle stondt;

[p. 57]

 

En dat sy is gheheel verraedich,

 

Tot s'herten grondt:

 

Sy doet vertooghen hier beneden

 

Voor yder claer,

 

Dat sy is vol van soeticheden

 

Eeuwich een paer.

 

4.

 

Door dit vertooch hoe menich zielen

 

Heeft sy verraen;

 

Die sy aldus quam te vernielen

 

In't s'werelts baen:

 

Als ick aen d'ydelheyts bemercken

 

Dit can bevroen,

 

Ick mach my wel hier teghen stercken

 

Door u toe doen.

[p. 58]

 

6.

 

Lof als my d'ydelheydt compt terghen

 

Wanneer dat sy;

 

Wilt beed'mijn ooghen wel verberghen

 

Van alle sy:

 

K'sal dan met d'ooghen mijnder herten

 

U heel aenzien,

 

En d'ydelheydt met al haer perten

 

Volcommigh vlien.