Gheestelycke plantaige van gheestelijcke op-climmende boomen

Wilde wel weten waerom hy voor haer zijn aenschijn verberght.

Stemme.
Galatte mijn schoon Godin.

1.

Iesus alderliefsten mijn,
Hoe cont ghy aldus ghesyn,
Dat ghy my keert u aenschijn!

[p. 21]

 

V ghezicht, seer gesticht,

 

Is aen my een hemels licht,

 

Ende ghy nu soo vry,

 

Compt dat weeren hier van my.

 

2.

 

Waerom syt ghy soo pieccant,

 

Waer om op u oogh' u handt?

 

Meynt dat ick u ben vyandt?

 

Meen ick Heer doet my d'eer,

 

Set u oogh' op weder keer,

 

Want hierin is ghewin,

 

In u sien licht uwe min.

 

3.

 

Diet' faveur hier mach gheschien,

 

Dat hy u ghesicht magh sien,

 

Acht ick wel gheluckigh d'ien:

[p. 22]

 

Want voorwaer, het is claer

 

Ghy syt een bermhertigh Vaer,

 

En soo saen, ghy siet aen

 

Vwen toorn is ghedaen.

 

4.

 

Orlof dan O Jesus soet

 

Dit faveur my oock eens doet

 

Aenghesien ick toon' ootmoet,

 

Gheeft my hier in quartier,

 

U aenschijn vol van plaisier:

 

K'sal hier me wachten ure

 

Die ghy gheeft in't s'werelts ste.

FINIS