Gheestelycke plantaige van gheestelijcke op-climmende boomen

Sy wenscht dat Godt haer in den nacht van dit leven soude willen commen verlichten.

Stemme: Emmanuel zoon ick staen heel verslaeghen

1.

O Goeden Godt waer sa lick henen treden?
Waer dack'my keer/k'vinde my in duysterheyt

[p. 4]

 

En hier by soo vind'ick my,

 

In droef gheducht, en swaer ghesucht

 

Hier van alle sy.

 

2.

 

Ten was gheen noot soo seer my te beswaeren

 

Had'ick hier al u vermaen willen invaeren,

 

Maer helaes, als eenen d'waes,

 

Heb ick ghegaen, en my misgaen

 

met het s'werelts aes.

 

3.

 

Ick docht al voor den sin wat sinnigh dryven

 

Dat ick daerom niet te min verlicht sou blyven,

 

Naer mijn meen', het docht my cleen

 

Dat ghy soo licht, met u claer licht

 

Van my soudet scheen.

[p. 5]

 

4.

 

So saen ick wiert geraeckt van t'swerelts schichten

 

Ick wiert berooft van u claer Hemelsche lichten

 

Soo dat ick magh doen groot beclach

 

Dat ick den nacht, heb' voort-ghebracht

 

Voor den claeren dagh.

 

5.

 

In desen nacht moet ick naer u blent potten,

 

En onderstaen van u volck al het bespotten;

 

Waer ick tast', k'n hau niet vast,

 

Waer dat ick vlie, niet en sie,

 

D'welck my is groot last.

 

6.

 

Loft wilt op mijn beghin van leetschap dincken

 

Biet my de handt, laet op my u licht doch blincken

 

Lieffen Heer, doet my dees eer,

[p. 6]

 

Ick sal voorwaer, u volghen naer

 

Nu en lancx om meer.