De cleyn vverelt

[fol. 65r]

[Van den Coninc Polycrates machtich boven schreven]

Van den Coninc Polycrates machtich boven schreven,
Die noyt teghen-spoet en hadde binnen sijnen leven.

Prover. 1.

Den voor-spoet der dvvasen hoe dattet gheschiet,
Sal haer ten laetsten brenghen int verdriet.

[fol. 65v]

 

NOyt en vvas gheluckigher dan Polycrates bevonden

 

Der fortuynen rat liep hem altoos mede,

 

Op een tijt heeft hy hem in vrientschap verbonden,

 

Met een van syne maghen, dus hoort vvat hy dede,

 

Om die vrientschap te bevestighen ginck hy sonder bede,

 

Ende heeft synen rinck in die zee ghesmeten:

 

Maer naer sommighe daghen als hy met vrolychede,

 

Binnen syn palleys vvas ter tafelen gheseten,

 

Ende nauvvelyck en hadde beginnen te eten,

 

S'Conincx rinc (verdroncken in des vvaters plas)

 

Lach int midden eens vischs. O vvonderlijck vermeten.

 

Noyt gheluckigher ter vverelt, dan Polycrates en vvas.

 

Noyt Craesus syns ghelijck, noch vvt Phrygien Midas.

 

Maer voorspoet der vverelt brengt de ziel int verseeren,

 

Soo vvy aen den rijcken int Euangelie leeren.