De cleyn vverelt

[fol. 59r]

[Den tempel des verbonts vvilt hier aenschouvven]

Den tempel des verbonts vvilt hier aenschouvven,
Die men van Numa Pompilius sach bouvven.

Matth. 5.

Dat ghy belooft hebt met trouvven seere,
Suldy volbrenghen voor Godt den Heere.

[fol. 59v]

 

Numa Pompilius heeft binnen Roome ghemaect

 

Den tempel des verbonts, gheseyt by name

 

Desen tempel vvas ront, vol colomnen gheraect,

 

Niet dan eenen circkel in syn versamen.

 

Tot desen die Romeynen ten eede quamen,

 

Al datmen hier beloofde vvas vast en certeyn.

 

Hebben dit ghedaen die Heydenen vol vramen,

 

Die niet en bekenden den Heere reyn:

 

Hoe veel te meer dan vvy Christenen ghemeyn,

 

Moeten ons beloften vast onderhouvven,

 

Die den Godt des Hemels roepen t'onser trouvven.