De cleyn vverelt
(1608)–Jan Moerman–
Auteursrechtvrij
[Folio 54r]
| |
[Folio 54v]
| |
HIer siedy Penelope die vrouvve eerbaer,
Die haren man noyt ontrou en dede.
VVant al vvas hy van huys meer dan tvvintich iaer,
En al vvert sy begheert van veel mannen mede:
Nochtans heeftse bevvaert haer suyverhede,
En haer vryers vvtghestelt met listicheyt.
Dat vvebbe moet ick eerst afvveven met vrede,
En daer naer suldy mijns ghebruycken, heeft sy gheseyt.
Dit docht haer liengoet, maer t'geen dat sy sdaechs had geleyt
Ontvveefde sy snachts eer tlicht vvert vermeert
En hielt t'vvebbe soo langhe op t'ghetou onbereyt,
Tot dat haren man vveder is ghekeert.
Dus en is sy van niemant ghevvorden onteert
Maer dacht op tvvoordeken, dat men seyt ghemeene:
Een eerbaer vrouvve slaept vvel alleene.
|
|
