De cleyn vverelt

[fol. 17r]

[Van Phoebus, Mars, en Victoria crachtich]

Van Phoebus, Mars, en Victoria crachtich,
Hoe alle dinck staet in Gods handt voordachtich.

Esther 4.

Ghy zijt Heere van al dat oyt vvesen heeft ontfaen,
En daer en is niemant die u mach vvederstaen.

[fol. 17v]

 

DIe Tyriers maecten Phoebus beelt van claer gout,

 

In Sparten lach Mars ghebonden met banden,

 

T'Athenen stont Victoria constelijck gebout:

 

Maer en hadde gheen vleughels in armen oft handen.

 

Dats om dat na Gods vvil alle dinck met verstanden

 

Gheschiet, en gheschickt vvort, dvvelck niemant en mach keeren,

 

Ist dat ghy oock lief hebt ghelt, goet en panden,

 

Oft eenich ander dinck, en laet den Heer der Heeren,

 

Ghy doet afgoderye, dvvelck die vvyse leeren,

 

Iae den gheest Gods selve binnen s'hemels vvaranden.