De cleyn vverelt (1608)

De cleyn vverelt

(1608)–Jan Moerman– rechtenstatus

Auteursrechtvrij

Vorige Volgende



[Folio 9r]
[Die crachten der cruyden vvilt hier aenmercken] Die crachten der cruyden vvilt hier aenmercken Poëtelijc bevvesen seer vvonderlijcke vvercken. Sap. 16. Gheen cruyt oft plaester en heeft Israël ghenesen, Maer dijn Godlijc vvoordt, o Heere ghepresen.
[Folio 9v]
Esculapius socht cruyden in voorleden stonden En sach eenen ionghelinck beneden in den dale, VViens hooft met groene bladers vvas bevvonden Hy dreef zijn schapen int velt altemale. Eenen Basiliscus bevocht hem sonder quale, Den vvelcken hy vervvan. Esculapius is comen, En badt hem om die bladers met soeter tale, Die ionghelinck gafse hem tot zijnder vromen. Hier nae heeft den Basiliscus vveer strijt aenghenomen, En doode den ionghelinck: dvvelck Esculapius sach, Dit cruyt moet crachtich syn sprack hy met verschromen. En vvreef den ionghelinck daer mede, daer hy lach: Terstont vvert hy levende sonder eenich verdrach. Groote cracht heeft Gods moghentheyt de cruyden ghegheven, Teghen alle ghebreken van t'menschen leven.

Vorige Volgende