Op 'e literaire toer

[p. 146]

In memoriam

de hear M. is net mear

d.w.s. net mear hwat er plichte to wêzen

in goed mins

in earlik amtner

pater familias

in geef man

hy is dêrmei redusearre ta in skulptuer
troch de hannen fan in groulik kunstner
syn eigen portret út waeks modellearre

prachtich

prachtich

de anatomen neame him nou fan
kadaver

se ha him op in rustfrije plaet lein

en tusken de oare eksemplaren skoud

de swiere doar ha se op 'e skoattel dien

sûnde en skande

sa'n moai ding

wie de hear M.

(maeije 1960)