Van een Man die rechtveerdigh werck dede.
Twee Persoonen, uit wandelen gaende, vonden onder wegen een man
staen, die een sloot op maeckte, dewelcke sy voor by ginghen sonder hem te
groeten; wat verder gaende, vonden sy een man op sijn eygen landt sijn eygen
wijf soenen, den eenen seide wel bekoemt u arbeydt; sijn mede-ghesel seyde,
wel, waerom groet ghy desen, daer sijn vleeschelicke lust pleeght, en den
anderen die daer sijn suyren arbeyt dede, die groetet ghy niet? Hy antwoorde
wederom, dese doet rechtveerdigh werck, hy soent sijn eyghen wijf, en dat op
sijn eygen landt, en hy komt beyde wallen even na, dat dede den anderen niet,
maer stack sijn nabuyrs Landt meer af, dan sijn eyghen.
Auteursrechtvrij