Vermakelijcke bruylofts-kroon, doorvlochten met verscheyden leersame gedichten

[De rijckdom en de deught zijn beyde Godes zegen]

Deught baert zegen.

De rijckdom en de deught zijn beyde Godes zegen,

Die door sijn milde handt van boven wert verkregen,
Maer als ick een van beyd mach hebben na mijn lust,
Soo grijp ick na de deught, die geeft een beter rust,
Als oyt de Rijckdom doet, die kan des Heeren wercken
Als met een rijp verstant geduerigh recht bemercken.
De rijckdom die verheft, (als Salomon oock seyt)
En maeckt een trots gemoedt, en baert hoovaerdigheyt.
Indien ghy leven wilt gerustigh en met vreughde,
Houdt Salomons Gebedt, en siet meest op de deughde.