Boec vander biechten

(1980)– Martijn van Torhout– rechtenstatus


[Boec vander biechten] Hier beghint van der biechten Hoe men den duuel mach vervechten Na de wort die hier instaen Die wel te biechten wille ghaen 5[regelnummer] Ende dar na betren sine mesdaet Na sijns heren spapen raet Ghod die ons allen heeft gemint Meer dan noit dede moeder kint Hi doegde iamberleke scande 10[regelnummer] Om ons tebringene te dien lande Dat yeue ende adaem hadden verloeren Ende hi haddons so sere vercoeren Dat hi dor ons al willens staerf Ende noch soude doen anderwaerf 15[regelnummer] Mocht sijn; er hi ons liete ontaeruen Ende dies lants ewelike daruen Daer hi ombe gaf sijn helech bloet
[Folio 243vb]
Dit souden wi marken war wi vroet Ende hebben dit altoes vor doeghen 20[regelnummer] Ende enparleke pinen ende poeghen Hoe wi tier aeruen mochten comen Dat hebbic harde wel vernomen Alse ons de heelghe liede ons leren Hoe wi daer toe ons moeten keren 25[regelnummer] Dats dat wi niet achter laten Hier te leuenene in caritaten Want betren wi onse sonden niet Ter bliscap gods ne comwijs niet No darwaert hopen mer no gaen 30[regelnummer] Wilwi van sonden niet aue staen Nv verstaet intbeghin van alre dinc Salmen ghode den hoegsten coninc Aen ropen. enter hoegster conninginnen Dan machmen sekerleke beghinnen 35[regelnummer] Te pensene hoe en ghebetren mach Sine sonden op elken dach Die hem hier niet openbaren Ende sere de couentie veswaren Want dies sijt seker ende ghewes 40[regelnummer] So wie so in hoeft sonden es Hine souder in niet waer hi vroet Vernachten om al aerders ghoet Want de doet so comt saen sere Vel onuersien bi onsen here 45[regelnummer] Er mens hiet weet essoe comen Ende heeft den man sijn lijf genomen Hier ombe radic te ghoeder trowen Dat elken siere sonden berouwen Ende soke ghenade op onsen here
[Folio 248ra]
50[regelnummer] Latet mi ghebetren voert meere Tvwer eren ente miere vroemen So dat hic te ghoeden ende moete comen Ende helpt mi nv te derre noet Dat hic ontga de eweleke doet 55[regelnummer] Bi vwer hulpen wel zoete here Willic mi betren vortwaert meere Ende bidden ghenade van minen sonden D[...]den D[...]naden 60[regelnummer] O[...]n mesdaden E[... m]et groeter pine D[...]n wel in scine Nv biddic gracie bi vwer ghenaden Mi te beterne van minen mesdaden 65[regelnummer] Dies biddic dor sente marien wille Vwer moeder bede lude ende stille Ende dor alle heelghen mede Bi vwer ghenaden hier ter stede Ay ghod here coninc wel zoete 70[regelnummer] Spart mj so langhe dat ic gheboete Mine sonden vor mine doet Ende quijt mj nu van derre noet So dat hic ghebetren moete Hier mine sonden vor spapen voete 75[regelnummer] Ay vrouwe van den trone Bidt vwen kinde bidt vwen sone Dat hi mi nv sparen moete Solanghe dat hic hier gheboete Mine sonden altenen ghader 80[regelnummer] Dies biddic oec den hemelscen vader Vro[uw]e dor vw[en] wille hier ter stede Ende dor alle sine heelghen mede
[Folio 248rb]
Nameleke dor den ghoeden sent denise Sente lieuine ende sente blasise 85[regelnummer] Sente catrinen ende sente mergrieten Ende dor hem allen die hem passien lieten Wel iamberleke ende sere Dor vwen wille wel zoete here So biddic v nu te desen stonden 90[regelnummer] Dat ghi mi vergheeft al mine sonden Ende gracie verleent vortwaert mere Mi te wachtene van sonden sere Ende die mj hebben ghoet ghedaen Ende in mine ghebede hebbe ontfaen 95[regelnummer] Of bi miere scult sijn gheuallen Jn sonden dies so moetti ionnen hem allen Amen segt mede nv allegader Dat v ghod loene de hemelsce vader Ende bidt ouer martine van torout 100[regelnummer] Die hier af was v allen hout Van derre biechte en tyese maecte Met groeter pine ende vele drum waecte Dat hem ghod gheue hemelrike Bi siere ghenaden ewelike 105[regelnummer] Die ouer hem noch bidden sal Ghod gheuem gheluc ende ghoet gheual Eist pater noster. of tve aue marien Dien moete ghod ghebenedien Dit maecte martijn van torout 110[regelnummer] Die elken mensce noch es hout Ghode ende siere moeder teeren Om datter de mensce bi soude leeren Hoe hi hem ontcombren soude Van sinen sonden alsi woude 115[regelnummer] Want leke lieden lettel verstaen,
[Folio 248va]
Wat sonden sijn alsi te biechten gan Hier ent de boec van der biechten

[Boec vander biechten]