Het boeck der psalmen Davids

De Cxlvj. Psalm.

Dauid bemerckende die svvackheyt der menschen leert dat het sekerste is hem op God te verlaten, prysende hem van vveghen syner sonderlinghe vveldaden, aen alle god'salighen bevvesen: der scheppinghe, onderhoudenisse ende beleydinghe aller saecken, midtgaders oock van vvegen synes eevvighen Coninckrijcx.

1. Halelujah, looft God.
LOof mijn siel God van daer bouen
Schrijf

[fol. Bbiv]

 

hem toe lof, prijs end' eer,

 

2. Want ick wil den Heer God louen,

 

Al mijn leuen lancx soo meer:

 

Ja ick wil mijn leuen lanck,

 

Prysen hem met lofghesanck.

 

3. Wilt doch uwen troost niet bouwen

 

Op de Vorsten sterck end' groot:

 

Noch op gheenen mensch vertrouwen,

 

Die doch niet helpt inden noot.

 

4. Hy vergaet met eenen snick,

 

Tot stoff in een oogenblick.

 

* Met hem gaen wech zijn ghedachten:

 

Sijn aenslaghen staen oock still.

 

5. Maer welsaligh moetmen achten,

 

Dien God Jacobs helpen wil,

 

End' wiens hop' end' toeverlaet

 

Op den Heer' alleene staet.

 

6. * God Heer die den hemel hooghe,

 

Aerd' end' zee gheschapen heeft:

 

Hitt' end' koud' end' nat end' drooghe,

 

End' all' wat daer inne sweeft:

 

Die zijn waerheyt onbevleckt,

 

Inder eewicheyt verstreckt.

 

7. * Menschen die hier onrecht lyden,

[fol. Bbijr]

 

Schutt' end' schermt hy inden noot:

 

Ende gheeft in dieren tyden,

 

Allen hongherighen broot:

 

Die ghevanghen lieden slaeckt,

 

End' los van haer banden maeckt.

 

(1.) ** **

 

8. * Den mensch blindt end' sonder ooghen

 

Gheeft hy claerheyt ende licht:

 

Die die den ruggh' kromme booghen,

 

Met zijn handen we'er op richt't.

 

Seker, God de Heer bemindt

 

Die rechtveerdigh zijn ghesindt.

 

9. * Hy bewaert de vreemde lieden,

 

Ende leydtse met den erm,

 

Laet de weesen niet misschieden:

 

Maer hy neemts' in synen scherm.

 

Hy troost wed'wen inden rouw,

 

End' bewaertse seer ghetrouw.

 

* God vernielt end' maeckt te schande,

 

Der god'loose weghen all:

 

10. Gods rijck blijft in eenen stande,

 

Want het eewigh dueren sal.

 

Sion dynes Heeren macht,

 

Duert van gheslacht tot gheslacht.

 

Halelujah. Looft God.