Het boeck der psalmen Davids

[fol. Ziiijr]

De Cxxxiiij. Psalm.

Dauid vermaent de gantsche Ghemeynte om Godt te louen, voeghende daer by syne beloftenissen.

1. Een uytnemende hoogtreffelijck liedt.

GHy die des Heeren dienaers zijt,
End' in zijn huys blijft alle tijdt,
Dach ende nacht looft al te saem
Des Heeren allerhoogsten Naem.
2. * Steeckt reyne handen vry om hoogh',
Heft op v herten end' u oogh'
Nae Godes huys end' heylighdom,
End' prijst hem doch all' om end' om.
3. * De Heer die hemel heeft end' eerd'
Gheschapen, end' die't all' gheneert,
Verleene dy zijn seghen goet,
Wt Sion in all' ouervloet.