Dauid hebbende de verbondtkiste tot Ierusalem
bracht, verclaert syne liefde tot God, van vvegen der ontfangene
weldaden: verhaelt syne verledene gevaerlijcheden, gelooue ende
swackheyt: ende prijst Godes heyl ende verlossinge seer hoogelijck: ten
laetsten begeirt noch voort aen behouden te vvorden, om God voorder te
prysen.
[Folio Uvjr]
[fol. Uvjr]
1. ICk heb God lief, want hy heeft
aengehoort,
Mijn droef gheschrey. 2. End' heeft tot mijn gebeden
Sijn oor geneygt, hy ontfanckt myne reden:
Dies wil ick hem aenroepen rechte voort.
3. * Banden des doots hadden my vast belegt,
Ick was van ancxt als in het graf gheschoten:
End' t'hert' was my van bangicheyt ghesloten,
4. Als ick tot God hebb' op dees' wijs ghesegt:
* Ach lieue God, help my doch vanden doot:
5. Ic vond' hem stracx seer oprecht end' goetdadigh:
Voorwaer ons' Heer is goedigh end' ghenadigh:
6. End' hy bewaert d'ootmoedigh' inden noot.
* Ick was benouwt end' schier te niet gegaen,
Maer hy heeft my verlost uyt all' onlusten.
7. Dies keer we'erom mijn siel tot dyner rusten,
Want God heeft dy seer groote deugt ghedaen.
8. * Du hebst mijn siel Heer vanden doot bevrijdt,
Van schreyen d'oogh', de voeten van het sneuen.
9. Dies wil ick vry onder de ghen' die leuen,
Voor t'aenschijn Gods recht wand'len alle tijdt.
(1.) ** **
10. * Ick heb't ghelooft, dies sal ick spreken vry:
Ick was bynae onder den last ghebleuen,
[Folio Uvjv]
[fol. Uvjv]
11. So dat ick sprack uyt haesticheyt
gedreuen:
Daer'n is gheen mensch die sonder leughen sy.
12. * Maer wat sal ick vergelden God den Heer,
Voor alle sijn weldaden hoog' van weerden?
13. Den beker schoon sijns heyls sal ick anveerden,
Roepend' hem aen, met danck, loff, prijs end' eer.
14. * Ick sal voldoen al mijn gheloften saen,
Voor t'aengesicht van t'gansche volck der Heeren.
15. Voorwaer God houdt in grooter weerd' end' eeren.
Der genen doot die naer de vroomheyt staen.
16. * Genad' o Heer, want ic ben dyne knecht,
Dijn knaep, end' soon van dyner maecht ootmoedigh:
Auteursrechtelijk beschermd