Het boeck der psalmen Davids

De Lxxxiiij. Psalm.

De Prophete sijnde ghebannen uyt der heylighe vergaderinghe, verclaert sijn groot verlanghen ende het gheluck der godsalighen die inde kercke Gods verkeeren: Biddende dat hy hem ghenade doe, om hem aldaer weder te brenghen ende met syne goetgunsticheyt te onthalen.

1. Den Oppersangmeester onder den kinderen Korach, op de instrumenten van Gittit. Een Psalmliedt.

2. HOe lief, hoe soet, end' aenghenaem
Sijn dijn woonsteden seer bequaem,
O lieue God Heer der heyrscharen!
3. Mijn siel verlangt met grooten lust,
Ja sucht end' steent, end' heeft geen rust,
Om in dijn tempel te vergaren:
Van vreugden

[fol. Pijv]

 

t'hert in't lijf my springt,

 

Alst op den Heer des leuens dinckt.

 

4. * Een musch' end' swalw' heeft in't ghemeyn

 

Een huysken oft een nestken cleyn,

 

Daer sy met hare ioncxkens rusten:

 

Mijn God, mijn Coninck, dijn autaer

 

Is al mijn lust: Och mocht ick daer,

 

In dynen tempel my verlusten.

 

5. Wel hem die in dijn wooningh' Heer,

 

Verkeert end' gheeft dy prijs end' eer'.

 

6. * Wel salich is de man ghewis,

 

Wiens cracht op dy ghebouwet is,

 

End' neemt ter herten dyne weghen.

 

7. Die treckt door t'dorre moerboom dal,

 

Weet dat hem God een bronn' zijn sal:

 

Oock die door't nat treckt end' met reghen

 

Begoten wordt, in ouervloet,

 

Houdt hem voor synen seghen goet.

 

(1.) ** **

 

8. * Sy treden vast van rott tot rott,

 

Tot dat sy voor den Heere Godt,

 

Verschynen, end' in Sion comen.

 

9. God der heyrscharen eewich Heer,

 

Tot mijn ghebet dy gunstich keer,

 

Laet mijn stemm' werden aenghenomen.

 

Du Jacobs God hoor my doch aen,

 

End' wil na mijn ghebet verstaen.

 

10. * O God' ons' schilt vast ende dicht,

[fol. Piijr]

 

Sie dijns ghesalfden aenghesicht.

 

11. Want eenen dach in dijn voorhouen,

 

Is ongh'lijck beter, seggh' ick vry,

 

Dan duysent elders sonder dy.

 

Ick soud' my lieuer sien verschouen,

 

Tot aen den dorpel van dijn huys,

 

Dan in het hof van t'boos ghespuys.

 

12. * Want God de Heer is in Syon,

 

Ons' schilt ons' licht end' claere sonn',

 

Die ons sal met ghenaed' vercieren:

 

End' den oprechten van ghemoet,

 

Sal hy niet sparen gh'luck noch goet:

 

Want hy't hun gunt seer goedertieren.

 

13. Godt der heyrscharen wie op dy:

 

Wel vast vertrouwt, is salich vry.