Het boeck der psalmen Davids

De Lxxv. Psalm.

Dauid looft de voorsichticheyt Godes, daer door hy de gheheele wereldt regeert, ende alle dinck doet in gherechticheyt. Hy wederleyt oock den hoochmoet der spotters ende vverelts kinderen, biddende Godt dat hy het volck in gerechticheyt regeren ende beleyden mach.

1. Den Oppersangmeester, En verderf niet. Een Psalmliedt voor Asaph ende een Liedt.

3. HEer, du salt ghepresen zijn
Du salt van ons zijn ghedanckt:
Want de eer des naemens dijn,
Salons werden aenghelangt.
Men sal roemen vroeg end' laet,
Dyne groote wonderdaedt.

[fol. Niiijv]

 

3. * Als de tijdt is voor de handt,

 

Sal ick mijn volck spreken recht:

 

4. Al ist dattet gantsche landt,

 

Van een ander is onthecht,

 

End' d'inwoonders zijn in last,

 

Doch ick maeck haer zuylen vast.

 

5. * Ick heb t'dwaes volck dus vermaent:

 

Volgh't niet uwen sotten kop:

 

End' ghy goddeloos' verwaent,

 

Steeckt v hoornen doch niet op.

 

6. Steecktse niet op, wat ghy doet:

 

Noch spreeckt niet uyt hooghen moet.

 

7. * Want als yemant climt om hoogh':

 

Dat en komt van Oost noch West,

 

Noch van't Noorden kout end' droogh'

 

8. Maer Godt die't schickt allerbest,

 

End' richt alles end' regeert,

 

Is die hoog't end' die verne'ert.

 

9. * De Heer houdt in syner handt,

 

Een croes vol van droeuen wijn,

 

Daer hy t'volck van allerstandt,

 

In laet't schencken smert end' pijn.

 

Doch den droesem voor haer deel,

 

Moet t'god'loos volck suypen heel.

 

10. * Maer ick sal in mynen sanck,

 

Den Godt Jacobs end' zijn werck,

 

Prysen steed's met loff end' danck:

 

11. End' verbreken d'hoornen sterck

 

Der god'loos': maer s'vromen eer,

 

Sal toenemen lancx soo meer.