Het boeck der psalmen Davids

De xiij. Psalm.

Dauid claghende van de lange uytstellinghe der Goddelijcker hulpe, van syne swacheyt ende syuer vyanden moetwillicheyt, Bidt Godt dat hy behouden mach vvorden, ende syne vyanden beschaemt, tot grootmakinghe des Naems des Heeren.

1. Den Oppersangmeester, Een psalmliedt Dauids.

2. HOe lange wilstu noch o Heer
My dus vergeten? tot wanneer
Wilstu van my sijnd' af ge-

[fol. Bvjv]

 

weken

 

Dijn aenghesicht end' gunst versteken?

 

Sal dit dus blyuen ymmermeer?

 

3. * Hoe lang' sal noch mijn siel met smert

 

Raet end' list soecken? end' mijn hert

 

In commer end' benoutheyt treuren?

 

Hoe langhe sal dit noch ghedeuren?

 

Dat mijns mijn vyant meester wert?

 

4. * O Heer mijn Godt sie my doch aen

 

Wilt mijn ghebeden gade slaen,

 

Verlichte myne duyster ooghen

 

End' wil doch nymmermeer ghedooghen,

 

Dats' inden dootslaep t'ondergaen.

 

5. * Op dat mijn vyant vol van pracht

 

Niet seggh': hy is in myner macht,

 

End' dat die my hardt wederstryden

 

Haer nydich herte niet verblyden,

 

Dat sy my t'onder hebben bracht.

 

6. * Want Heer op dyne goetheyt staet

 

Mijn gantse hop' end' toeverlaet.

 

Mijn hert' sal in dijn heyl ontspringhen,

 

Ick wil met vreugden mijn liedt singhen

 

End' dancken Godt voor zijn weldaet.