Stichtelijcke gesangen

Minnaers Doel-wit.

Stem: Poliphemus &c.

[p. 363]

 

d'OPper-wijsheydt die Formeerde

 

Op der Eerde,

 

't Edel Menschelijck geslacht,

 

En heeft d' Eerste Man en Vrouwe

 

In de Trouwe

 

Met sijn eygen handt gebracht.

 

2. Noch op heden werckt de minne

 

In de sinnen,

 

Daer door dat het Wijf, en Man,

 

d'Een aen d'ander gheeft te smaecken

 

Sulck vermaecken,

 

Als gheen and're gheven kan.

 

3. Dese lust, des Menschen leven

 

In-geschreven,

 

Doet hem soecken sonder rust,

 

Tot hy in 't geval der Menschen,

 

Na sijn wenschen

 

Vindt sijn lieve herten-lust.

 

4. Maer dit soecken en bejaghen

[p. 364]

 

Moet eerst draghen

 

't Ooghe-merck van eer en deught.

 

Dan sal ons de Trouw eerst gheven

 

Als ons' leven

 

Reyne lust, en vaste vreught.

 

5. 't Is een schat van grooter waerden

 

Als op Aerden

 

Al de Rijckdom gheeft aen ons,

 

Dat de Nieuw-getrouwde Jeughde

 

Reyne Deughden

 

Meughen op het Pluymen-dons.