Spiegel historiael. Eerste partie [alleen brontekst]

[p. 1,1]

Eerste partie

Die eerste bouc nemet sijn begin,

Also alse die werelt ginc in,
Hoe Adam was gemaect ende Yeve,
Hoe si verghaten die Gods lieve,
Hoe haer geslachte van hem quam,
Hoe die lovie die werelt nam,
Hoe naer die lovie voer dat diet,
Hoe God die tongen versciet,
Hoe Abraham ende sine neven
Alleene int gelove bleven,
Ende strect vort tote Josephs doot,
Die in Egypten was here groot,
Ende hevet LIII capiteele inne
Vanden ende toten beghinne.

Van Gode	I.
Noch van Gode	II.
Gods werc upten eersten dach	III.
Gods werc upten anderen dach	IIII.
Gods werc upten derden dach	V.
Gods werc upten vierden dach	VI.
Vanden vijften daghe	VII.
Hoe Adam ende Yeve waren gemaect	VIII.
Hoe Adam ende Yeve braken tgebod	IX.
Hoe Caym slouch Abelle	X.
Van Cayms quaethede	XI.
Adams regnatie tote Noee	XII.
Van Noe, hoe hi ginc in daerke	XIII.
Van Noes benedictie	XIIII.
Van Noes kinderen	XV.
Hoe God die tongen versciet, enten tor Babel	XVI.
Van Azia ende vanden Paradise	XVII.
Van India in Azia ende van sinen wondren	XVIII.
Van Persia in Azia ende andere riken	XIX.
Van Arabia in Azia ende andere riken	XX.
Van Egypten in Azia ende andere lande	XXI.
Van Albania in Azia	XXII.
Vanden lande van Cleene Azia	XXIII.
Van Europen ende van haren sticken	XXIIII.
Hoe Grieken es gedeelt in viven	XXV.
Van Tessalia, van Europen ende van Ytalen	XXVI.
Van Gallen in Europen	XXVII.
Van Affrica ende hare lande	XXVIII.
Van Yengis ende Mauritane	XXIX.
Vanden eylanden vander zee	XXX.
Vanden geluckegen eylande	XXXI.
Vanden eylanden vander Zuudzee, ende tusscen Stroc ende Maroch	XXXII.
Van Cycile	XXXIII.
Van lieden dolingen ende van costumen	XXXIIII.
Jheronimus van beestenleven van lieden	XXXV.
Solinus van manieren van lieden	XXXVI.
Van minnen van wiven tharen mannen waert	XXXVII.
Vanden beginne vander Cyten rike, ende hoe die lande vielen in dolingen	XXXVIII.
Hoe trike van Egypten begonste	XXXIX.
Hoe Adams geslachte doolde tote Abrahame, ende hoe die afgoden upquamen	XL.
Van Abraham ende van Ninius	XLI.
Hoe Semiramis berechte Surien	XLII.
Van Abrahamme ende sinen geslechte, hoe si rumden tlant	XLIII.
Van Jacobpe ende van Esau	XLIIII.
Van Foroneus die den Grieken hare wet gaf, ende hoe trike van Argos begonste	XLV.
Hoe Joseph spelde den coninc sinen droem, dien sine broederen vercochten	XLVI.
Hoe Joseph coren gaderde tes coninx bouf, ende van Assenech, Futifers dochter	XLVII.
Van Joseph ende van Assenech, hoe si hem ondersaghen	XLVIII.
Van Assenech droufhede, ende hoe soe Josephe minde	XLIX.
Hoe Joseph sinen broederen coren vercochte, ende hoe Jacob in Egypten quam	L.
Van Pharaons sone ende van Assenech, hoene Benjamin warp met eenen steene, alsi Assenech wilde nemen	LI.
Hoe die kinderen van Ysrael quamen in pinen nar Josephs doot, ende hoe deygijndom begonste vanden Jueden	LII.
Van Aspis den afgod ende van Seraphis	LIII.