Kribbelkes. Gediechskes in 't Mastreechs

[p. 78]

Gewijde paame.

Ze zien aon 't altaor nao gewijd,
Dao laoge ze te same
Die hölde ins brachte aon Slivvenhier:
Invoudige tekskes paame.

De geistelik dee deilt ze oet,
Me puunt zien hand veur daanke
En de persessie trek daan roond
De kèrk in jubelklaanke.

Want ouch noe weurd de zegepraol
Bezoonge al vaan 't leije,
D'n ierepaam haos oetgereik
Aon wee voltrok de tije.

Daan geit 't tekske mèt nao hoes,
Weurd achter 't kruus gestoke.
Dat is 'n hiel sjoen, aaid gebruuk
Boe noets mèt weurd gebroke.

En is d'n tied vaan us veurbij
En ligke veer: han te same,
Ao, laot daan 't lèste kruiske zien
Eint mèt gewijde paame.