Een nieu liedt-boeck genaemt den druyven-tros der amoureusheyt

In hem begrijpende veelderhande amoureuse liedekens, te vooren in druck noyt uytgegaen

Een ander,

Op de wijse soot begint, Op den naem Pieter.

PRi- eel //
Soetgeurich balsem vat //
Reyn maeghden Blom- me //
Ghy weet waeromme //
Dat ick u int hert hebbe verhe- ven:
Ge- heel //
Sijt ghy den weertsten schat //
Gulden hooft-som- me //
Dies ick u nomme //
Mijnen troost boven alle die le- ven:
Op aerden en is soo soet geen iuweel //
Ghy zijt mijn lot mijn deel //
Van God gegeven.

[p. 81]

 

I nt grief

 

Lach ick (eylaes) gewont,

 

Die my benijden,

 

Vermaledijden

 

My, om dat ick u hadde vercoren:

 

Den brief

 

Daer t'woort van troost in stont,

 

Quam my verblijden:

 

Wt medelijden

 

Hebdy my dijn trouwe vast gesworen:

 

V goet grondich herte soet, my verhief,

 

Ter weerelt was noyt lief

 

Liever geboren.

 

E erbaer

 

Acht u een yder // meest,

 

Ghy zijt in desen

 

Geeert, gepresen,

 

Want ghy wederstaet der nijders perte:

 

Int iaer

 

En leeft geen blijder // geest

 

Dan ick mach wesen,

 

Ick bens genesen,

 

Al was ick getreft met menich smerte,

 

Liefste! ghy zijt my een soet wederpaer,

 

Want ghy tooght my voorwaer,

 

Een getrouw herte.

 

T is dan

 

Met my dus vroom gestelt

 

Dat ick deur pijne

 

Geensins verdwijne,

 

Want wy zijn vereent, met siel, en lijve,

 

Wie can

 

Ons scheyden, met gewelt,

 

Dan God, ten fijne:

 

Lief ghy zijt mijne,

 

Dies ick my u eygen oock toeschrijue,

 

Met u, sal ick suer en soet, nemen an

 

Gelijck een eerbaer man

 

Met zijnen wijve.

 

E n siet

 

Niet aen s' volcx clappen wreet,

 

Want ghy alleene,

 

En anders geene,

 

Zijt mijn troost, waer ick my henen wende,

 

Verdriet,

 

Welvaert, of herten leet,

 

Wert ons gemeene,

 

Voorwaer ick weene

 

Als u t'hert vervult is met ellende:

 

Maer, als my dijn lachen soet, eens geschiet,

[p. 82]

 

Is al mijn treuren niet

 

Dan vreught int ende.

 

Prince.

 

R eyn dier,

 

Princesse edel saet,

 

De principale,

 

Die teenemale

 

Mijnen dienst ontfanght, sonder beschamen:

 

Neemt hier

 

In danck, mijn simpel daet,

 

Deur dijn reale

 

Vloyende tale,

 

Heb ick dit gestelt, naer cleen betamen:

 

Oorlof neem ick met een soet, cussen fier,

 

Gedinct uwen Princier

 

Tot wy versamen.

Doende leer-ick.