Een nieu liedt-boeck genaemt den druyven-tros der amoureusheyt


Een ander,
Op de wijse, Mocht ick geluck verweruen, Op den naem Maiken. MOchtmen comen voorspoedich // Deur eenich goet begin, Of dienstbaerheyt oodmoedich // Tot zijn volcomen sin, Gereet had' ict gevonden // En over lange ston den // Gehadt seer schoon // van mijn vertouven loon.
[pagina 55]
A l doe ick schoon den aerbeyt, Een ander smaect de vrucht: Ten is niet, die (met swaerheyt) Best doet, met goet gerucht: Sulck vischt, crijght ydel handen, Sulck slaet t'hout af om branden, Waer af altijt Een ander heeft t'profijt. I a Cupido seer spijtich, Wil hier op achten niet: Getrouwen dienst, hoe vlijtich, Hy onweerdich aensiet: Al mijn dienstbaerheyt druckich, Heeft dien god ongeluckich, Also verwracht, Datse quaet wert geacht. K an yemant wel bepeysen Yet lichter dan den wint: Die stracx keert duysent reysen, Soo is Fortuna blint: Die wel mijn liefde weerdich Verandert heeft, seer veerdich, Met tegenspoet: Maer geensins mijn gemoet. E ylaes tot geenen fyne En heeft, tusschen ons tween, Haer wille, met de mijne Gecomen over een: Dan alst haer zeker dochte, Dat het my wesen mochte, Tot schade // groot, In fijn, een quade // doot. Prince. Nu bid' ick om een sake, De doot, dat hy sulck een Accoort tusschen ons make, Dat wy t'samen gemeen Een sterfdach, ia een ure, Wt-vaert en sepulture Genieten bly, En zijn van sorgen vry. Doende leer-ick.