Een nieu liedt-boeck genaemt den druyven-tros der amoureusheyt

In hem begrijpende veelderhande amoureuse liedekens, te vooren in druck noyt uytgegaen

Een dialogue van Jongman en Dochter,

op de voorgaende wijse: op den naem Elisabeth, &c.

Iongman.

EErbaer beeldeken soete,
Peerle gulden ciraet:
Van herten ick u groete,
Mijn eenich toeverlaet,

[p. 48]

 

Sonder u by zijn, is geen vreught,

 

Sonder u by zijn is geen vreught,

 

Mijn hert u mint,

 

Ghy zijt schoon kint

 

Die my troost geuen meught.

 

Dochter.

 

L aet varen sulck beginnen,

 

V woorden zijn geveynst:

 

Onder Venus goddinnen

 

Ghy om een ander peynst,

 

Hier in neem ick een goet verdrach,

 

Hier in neem ick een goet verdrach,

 

Vry elders siet,

 

Ken ben doch niet

 

Die u troost geven mach.

 

Iongman.

 

I n geheel swerelts ronde

 

Zijt ghy mijn sins verkies:

 

Dat ick u halen conde

 

Als Iason dede t'vlies:

 

Voor geen dangier waer ick versaeght,

 

Voor geen dangier waer ick versaeght,

 

Mijns herten bloet,

 

Lijf ende goet,

 

Ware om u gewaecht.

 

Dochter.

 

S out ghy zijn soo volheerdich,

 

Voor my, arm simpel maeght:

 

Ken ben de daet niet weerdich,

 

Dat ghy my liefde draeght:

 

Daer bouen, rijck, noch schoon genouch:

 

Daer bouen, rijck, noch schoon genough:

 

Stilt u motijf,

 

Spaert goet, en lijf,

 

Ghy coemt my noch te vrough.

 

Iongman.

 

A l waerdy my vyandich,

 

Als eenen Leew rebel,

 

Ick acht u soo verstandich,

 

Ghy cont u sachten wel,

 

Ten helpt dan leet, schimp, of bedroch,

 

Ten helpt dan leet, schimp, of bedroch,

 

Ick sal t'gevecht

 

Met een oprecht

 

Herte verwinnen noch.

 

Dochter.

 

B ewijst ghy sulcken trouwe,

 

In v dienstbaerheyt swaer:

[p. 49]

 

Can u verdriet, noch rouwe,

 

Niet maken wanckelbaer,

 

T'sy hem dan, die u toont // fenijn:

 

T'sy hem dan, die u toont // fenijn:

 

Voorwaer ick seght,

 

Alsucken knecht,

 

Behoort gecroont // te // zijn.

 

Iongman.

 

E del blomme verheuen,

 

Sulcx staet in uwer macht,

 

My dooden, of doen leuen,

 

Alleen hebt ghy de cracht,

 

Dus bid' ick dat ghy my verschoont:

 

Dus bid' ick dat ghy my verschoont:

 

O soete ieught,

 

Noyt geen ondeught

 

En heb ick u getoont.

 

Dochter.

 

T hoont ghy my deught veel werfuen,

 

Geen spot, oft schimp, meer gelt:

 

Staet u leuen, en steruen,

 

Alleen in mijn gewelt,

 

Wee mijns, naem ict int quade deel:

 

Wee mijns, naem ict int quade deel:

 

Jonck heer valiant,

 

V hert constant,

 

Heeft my verwonnen heel.

 

Iongman.

 

H aters, vileyne quade,

 

Vaert wech, met al v doen:

 

Deur mijn liefkens genade,

 

Coem ick wt u prisoen,

 

Drijft uwen spot niet meer met my,

 

Drijft uwen spot niet meer met my,

 

Ick ben bevrijt,

 

Ja so verblijt,

 

Geen vreught en heefter by.

 

Dochter.

 

C oemt nu, treedt met my binnen,

 

Ten leeft geen vromer helt:

 

Noyt en was in mijn sinnen

 

Geen man soo vast gestelt,

 

Wech nijders, ghy hebt hier gedaen,

 

Wech nijders, ghy hebt hier gedaen,

 

Leet, en getruer,

 

Zoet, ende suer,

 

Wil ick (met u) aengaen.

 

Iongman.

 

O minnaers ongeluckich,

[p. 50]

 

Die ongetroost noch waert,

 

Ick (die van herten druckich)

 

Was schier ter doot gemaect,

 

Ben nu vande liefste begeert,

 

Ben nu vande liefste begeert,

 

Al mijn geclach

 

Is desen dach

 

In grooter vreught verkeert.

 

Dochter.

 

R amp, moet hem God nu geuen,

 

Die u bringt in geween:

 

Al dat my mach aencleuen,

 

Maeck ick met u gemeen:

 

Dus zijt hier mede wel vernought,

 

Dus zijt hier mede wel vernought,

 

Ick blijue dy,

 

S'gelijcx ghy my,

 

God heeft het soo gevought.

 

Iongman.

 

N iet anders, O Jongvrouwe,

 

Wensch ick van u, macht zijn:

 

Liefste, al waer van gouwe

 

De gansche weerelt mijn,

 

Ick gaeft u, als bereyden // man,

 

Ick gaeft u, als bereyden // man,

 

Alsoot betaemt,

 

Dat God versaemt,

 

Geen mensche scheyden // can.

 

Dochter.

 

E del Jongman van prijse,

 

Ick moet u dancken net:

 

Dat ghy u (als de wijse)

 

Tot mijnen dienste set:

 

T'samen sullen wy leuen voort,

 

T'samen sullen wy leuen voort,

 

Sonder gekijf,

 

Als man, en wijf,

 

Behooren, met accoort.

 

Iongman.

 

L iefste, alsulck verhalen.

 

Houd' ick voor zegel vast:

 

Wie can met goudt betalen,

 

Dat ghy my hebt ontlast:

 

En ontfangen in uwen schoot,

 

En ontfangen in uwen schoot,

 

Vreest geen misval,

 

Niemant en sal,

[p. 51]

 

Ons scheyden, dan de doot

 

Dochter.

 

I aeght wech, oorspronck van grieue

 

Laet ons met vreughden gaen,

 

Ten was noyt lief, by lieue,

 

Daer quam een scheyden aen:

 

Adieu Prince, en blijft gesont,

 

Adieu Prince, en blijft gesont,

 

Soot is geseyt,

 

Ben ick bereyt,

 

Alst zijn sal tijt en stont.

 

Iongman.

 

S choone ionge Princesse,

 

Adieu, God sy met u:

 

Adieu, cloucke maitresse,

 

Adieu, wy scheyden nu,

 

Adieu, segh ick, sonder geween,

 

Adieu, segh ick, sonder geween,

 

Wy spreken meer,

 

Ter tijt wanneer

 

Wy weder zijn by een.

Doende leer-ick.