Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd
[Folio p6v]
| |
 SAlamander Ga naar voetnoot399 is een seer venijnt dyer dat myt sinen ve- | nijnt dat water inficeert ende corrumpeert ende des | gelijck alle vruchten der bomen also waert dat iemant | daer of ate of vanden water droncke die moet ter stont steruen. | [5] Ende waert dat sijn spekel den voet des menschen raecten dattie | mensche daer of alheel ontsteken wort ende van venijnt veruolt: | Ende hoe wel dat dese salamander aldus venijnt is nochtans syn | sommighe dieren die hem eten ende voer hoer spijse hebbenDit | beest woent ende leeft int vuer ende doet oeck dat vuer wt. | [10] Daer sijn oeck sommighe van desen beesten welker huyt ende | vel ruych ende harich is als dat vel van een zeekalf Daermen | of maket dye gordelen der coninghen dye als si veroudet ende | van ouderdom bi nae verwesen sijn datmense dan int vuer wer | pet daer si alleen niet en verbernen als si daer langhe in ghele- | [15] ghen hebben. mer wt den vuer ghetoghen warden verbetert | ende vernuwet alsoe schoon ende sijn als nwe Ga naar voetnoot400. Van desen vel- | len ofte wolle maecktmen oeck lemelten diemen in die lampen | barnt die nijmmermeer en verbernen of vergaen vanden brant | ydrus is een seer venijndt serpent dat int water leeft ende heeft | [20] vijf hoefden Dese twee venijnde beesten vochten op een tijt te | ghen malkander ende dye salamander want si van dat serpent | verwonnen wort werpsi hoer seluen int vuer. op dat si alsoe | soude moghen ontgaen Ende als dat serpent ydrus verwon | nen wort soe liept ende verberghede hem int water: Alsoe dat | | |
[Folio p7r]
| |
dat Ga naar voetnoot401 een den anderen niet verwinnen en konden een Ga naar voetnoot402 seyden Tot Ga naar voetnoot403 | sinen huyse so wie hem keert. hi wort verwonnen of verteert Al- | dus sellen wi ons oeck bescermen Ende als wij angeuochten warden | vanden helscchen vianden mitten vuer der onreynicheyt ende der onsuuer | [5] heyt so sellen wi ons werpen int water der kuysheyt ende der reynich | heyt Ende wanneer wi angheuochten worden van dat water der | begheerlicheyt ende der giericheyt sellen wij ons werpen int vuer | der minnen ende der mildicheyt na den exempel der duuen Also als | men leset inden boec der natueren van die voghelen vintmen som | [10] mighe cleyn voghelen die die vogelen grijpen ende vangen alleen | inder lucht ende sommighe vangense alleen opt die aerde Dit ver | stant heeft die duue in hoer natuer ende daer om als si gheiaget | wort van die clein vogel diese in die locht uanghen wil so valt | si op die aerde Ende als si beureest wort van die andere diese op | [15] die aerde soude vangen so houtse hoer in die lucht Aldustanich | verstant soude wi oec hebben tegen onsen helsschen viant die een | meester is van duysent konsten Hier of scrijft een leraer Men sal | den menschen viant veriaghen mit also veel scutten als hi den | mensche mit veel ende menigerhande scutten anuecht want hi duy | [20] sent ende menigerhande manieren ende konsten heeft van anuech- | ten. Men leest dat een man mitten bosen viant beseten gebrocht | wart tot enen heyligen man Wien die heylige man geboet dat hi | wt den mensche soude gaen ende seggen sinen naem hoe dat hi hie | tede Die duuel antwoorden Wi sijn hier drie in desen mensche | [25] wonende Ic hiet slute dat hert die ander hiet sluyte den mont ende on | se derde gesel hiet slutende die buerse Mijn offici is dat hert des | sonders te verherden ende te sluiten dat hi geen berouwe en heb | be Ende isset dat hi bi auentuer tot beken koemt soe arbeyt onse | anderde gesel dat hi hem hindert dat hi sijn biecht niet en spre | [30] ket Ende gheualtet somtijden dat hi biecht soe isser die derde diet | hem beneemt dat sine penitencie niet en doet noch oec voer sine son | den voldoet Ende bi desen manieren krijgen wi bi na alle menschen tot | ons | |
|