Dialogus Creaturarum dat is Twispraec der creaturen

(2015)–Gheraert Leeu– rechtenstatus


¶ Vanden ezel ende den osse Dyalogus hondert ende twalif \| [5] EEn Ga naar voetnoot383 osse ende een ezel woenden te samen bi enen lantman \| diese wel voederde Mer si mosten weder om alst re- \| delick was somwijlen arbeyden. ende worden alsoe \| dickwijl van horen meester gheslaghen Aldus gheuielt op een \| tijt dat die man den ezel gheslagen hadde waer of hy seer \| [10] onuerduldich wort ende ghinck totten osse clagende sinen noot \| ende seyde. Wat willen wi hier langher doen Dese onsalighe \| man slaet ons altoes ende maect ons moede mit arbeyden dat wi \| niet rusten en mogen laet wi daer om wech lopen ende vlyen op dat \| wi bliuen mogen vrij ende sonder iuck wi sijn noch ionck ende mo- \| [15] ghen noch langhe leuen ende veel lieuer daghen hebben. Des \| ghinghen si wech ende liepen ende spronghen mit groter blij- \| scappen dat si alsoe van dien man ontslaghen waren Ende doet \| an den nacht quam die duyster ende onghetempert is begonden \| si te sorgen ende vragheden onderlinghe hoe ende waer si souden \| [20] slapen wi en hebben nu geen stal ende voetsel daer in als wy ge \| woenlic sijn Het hadde ons al beter gheweest dien arbeyt ende sla \| ghen te liden dan aldus onwijslick wech te lopen. Ende doe si hem \| neder gheleyt hadden op die blote aerde om wat rusten te heb \| ben quam die wolf an lopen ropende mit luyder stemmen daer si al \|
[Folio p2v]
seer of veruaert ende ghemoeyt worden: Alsoe dat si van alle \| den nacht niet rusten en mochten Waer om si onderlanghe sei \| den Het is niet goet aldus te bliuen Veel beter ist dat wi we \| der versellen mitten anderen beesten want dan sellen wi bescermt \| [5] wesen vanden harders ende den honden van dye laste der wol \| uen Ende doe si weder omme keerden mitten anderen beesten \| te eten ende te weyen ende daer by te bliuen ende te vernachten \| worden si vanden harders van daen mit slaghen verdreuen: \| Waer om dat si seer screyende mit enen lantman ouerdroegen \| [10] dat hise in sijn beesten mede ontfanghen woude louende hem \| dat si veel arbeyts willichliken souden doen om een clein kost \| ende voetsel daer voer te hebben. Alsoe dat si hem wel besocht \| ende bedacht hadden als dat si werck mosten doen ende slagen \| ontfanghen souden si den cost ende nootturft anders moghen \| [15] krijghen ende seyden. HEt Ga naar voetnoot384 is beeter in dwanck ende ar- \| beyde by huys te wesen. dan buyten in hongher ende kommer \| te sijn in vreesen. ¶ Hier in moghen wy merken hoe sorchlick \| dattet is buten landes wech te lopen ende in vreemden huysen \| gheherberghet te wardenWant die wijse man seyt Het is een \| [20] quaet leuen gheherberghet te warden van dat een huys int \| ander. Het is daer om veel beeter ende oerbaerliker een cleyn \| arbeyt ende last bi huys te lijden dan buten te lopen meer moe \| ten lyden Daer om sel die mensche anmerken in alle sine wer \| ken die hi doet wat eynde hem daer of comen mach. Daer een \| [25] wijs man of leert ende seyt Wattu doeste sich dattu wijsseliken \| doeste ende siet an dat eynde: Lieuer wil ick cleyne laste dra- \| ghen op dat mi gheen meerre op en comen. Dye wuwe plach \| die duuen dickwijl seer te veruolghen om die te vanghen ende \| haer ionghen te nemen Alsoe dattie duuen hem dickwijl myt \| [30] horen vloghelen te slaen pleghen ende oec te verdriuen. Ten lesten \| doen si den wouwe niet beheren en mochten spraken si mit malkan- \| deren ende wordens terade dat si den sperwer koren tot horen coninck \| om die wuwe te beheren ende van dien te verlossen Die sperwer die co- \| ninc doe hi aldus bouen die duuen geset was dede den duuen veel \|
[Folio p3r]
mere last ende scade dan die wuwe want hi alle daghe een van \| den versten ionghen duuen nam ende atse op Doe dit die duuen \| saghen beghonden si te claghen ouer horen coninc ende te seg- \| ghen dat si bet souden hebben moghen lijden den strijt des wu \| [5] wes dan si alsoe wredeliken souden warden ghedodet sonder \| bescerminghe: ¶ Hier wt moghen wi merken ende oeck leren \| dat veel veel beter is te liden een swaer ende bitter werck mit rus- \| ten ende myt sekerheyt. dan dat ghenoechlick is myt perikel \| ende sorghe. Des ghelijck leestmen een fabel dattie statmuys \| [10] wtter stat quam in een dorp ende wort seer vriendeliken ont- \| fanghen vander veltmuys. Ende die statmuys prijsden seer \| den cost die si inder stat hadde ende nam mit hoer dye veltmuys \| ende brochtse in dye spijscamer in des biscops hof daer si dye \| alre beste ende leckerste spijsen aten ende waren vrolic Hieren \| [15] binnen hoorden si die slotelen rijstelen ende clincken want die \| portyer dat slot op dede ende quam in die spinde. dat doe die \| statmuys hoer ghewoenlick ghat gheuonden had daer si \| doer liep Mer die veltmuys om dat si die ghaten daer niet en \| kenden vloech teghen dye muyer ende was in groten anxt en- \| [20] de en mochte nau leuendich ontghaen Ten lesten quam si we \| der by die statmuys ende seyde Ick heb lieuer te knaghen dye \| bomen dan aldus te staen in haestighen last ende sorghe Daert \| wel mit die koken der rijcker luyden myt dier groter sorghen \| Ick ben wel te vreden mit mijn arme leuen: dat ick lieuer aldus \| [25] armeliken leue in sekerheit ende rusten dan dijn leuen mit gro \| ter wellusticheyt te hebben \|	voetnoot383 E initiaal, 3 regels hoog, geen zichtbare representant. voetnoot384 H initiaal, 1 regel hoog, met zichtbare representant.

Vorige Volgende

¶ Vanden ezel ende den osse Dyalogus hondert ende twalif |