Dialogus Creaturarum dat is Twispraec der creaturen

¶ Vanden voghel grijp den tyran Dialogus lxxxvij. |

VOghel ²⁹³ grijp als ysidorus scrijft is een voghel die vier | voeten heeft. ende is int hooft ende den vloegehelen ghelijc den | aern ende voort int ander deel sijns lijf ghelijc den leeu Ende | [10] is den mensch ende den paerden seer haetich Hi leit in sijn nest een | smaragd teghen die vernijnde dieren. Hi is so sterck ende wreet dat | hi leuendighe menschen verscoert Dese haddde ²⁹⁴ ontfanghen een | prouincie te regieren Daer hi om sijn wreetheyt ende ghiericheyt | ten eersten een ghebot ghegeuen had datmen daer gheen coepluden van | [15] buten en soude laten comen te copen of te vercopen Ten anderen | dat niemant van anderen landen daer en soude moeten comen in | sijn lant Ten dorden dat nyemant van sinen volck reysen en sou | de tot anderen landen Als hi aldus dese drie dinghen strenghe | liken bewaerden ende in groter weelicheyt leuende was verga | [20] derde hi voor hem seluen grote goeden ende en deelde daer nye- | mant anders of Daer nae ghesciede wt die verhenghenisse go | des dat die donre ende blixem alle die prouincie verbernden ende ver | doruen Alsoe dat sijn volck tot hem quam biddende oorlof van | hem mit screyenden oghen dat si tot andere landen mochten rey |

293 V initiaal, 3 regels hoog, met zichtbare representant.

294 haddde lees: hadde.

[fol. m1r]

sen op dat si niet van hongher en souden vergaen Doe sende hy sine bo | den in vremden landen dat si daer copen souden dat sinen volck noot | turftich waer ende si weder ontfanghen souden ghelt ende goet ge- | noech Mer die luden van anderen landen antwoorden Segt uwen | [5] heer du en hebste nye vercopen willen tot onser behoef Daer om en | willen wi di oec nu niet vercopen Anderwerf seynde hi ande- | re boden ontbiedende den vreemden luyden dat si vrilic comen wou- | den tot sijn lant om hoor goeden te vercopen Si antwoorden Du en | woudeste ons nye ontfangen daer om en selstu oec nu niet krighen | [10] Derdewerf ontboet hi hen dat si hem mitten sinen wilden ontfan- | gen op dat si van hongher ende kommer niet en souden vergaen. | Doe antwoorden si du en woudeste nie tot ons comen Daer om | en sellen wi di oec niet ontfangen Ende waert dattu oec tot ons co- | men woudeste wi souden di van ons verdriuen Aldus is hi in sijn | [15] re noot van allen menschen gelaten ende is vergaen mit alle die sinen van | groot kommer ende ghebrec ende seyde DIe ²⁹⁵ niemant en dient en | wort niet ghedient. in sijnre noot en heeft hi niet enen vrient Daer | om ist profitelic dattie comenscap gaet ende keert onder die ghe | meenscap der coopluden ende datmen in allen lantscappen waer | [20] ende goet brenghet ende haelt om dye nootturfte ende ghebreck der | menschen te verhoeden Hier of seyt onse heer int heylighe ewan | geli Alle dat ghi wilt dat v die menschen souden doen dat doet hem | oec in alre wijs dit is die wet ende dattie propheten gescreuen heb | ben Ende basilius die heylighe man seyt Alsodanich wese den an | [25] deren als bu ²⁹⁶ wilste dattie anderen teghen di sijnMen leest dat doe | die grote alexander mit sinen volck wanderden inden weghe ende | van groten dorste ghepinicht worden quam daer een goet man die | hem voer een grote gaue een nap mit water gaf dien hi danc- | baerliken ontfinc ende gheboet sinen dienres datmen dat water wt | [30] souden gieten want hi en woude niet alleen drincken ende laten sijn | ridders versmachten van dorst Hier contrari seyt die ghierighe | inden boec der wijsheyt Ic heb mijn rust gheuonden ende sel alleen | van minen goeden eten Daer om sel men alsulke ghierige men | schen niet ordineren tot prelaten afte regieres vanden volck Ghe |

295 D initiaal, 1 regel hoog, met zichtbare representant.

296 bu lees: du.

[fol. m1v]

lijc als die oude philosophen ende heren nie en wouden enigen setten | dat volck te regieren die mit giericheyt bekommert was als vale | rius bescrijft dat op een tijt doe die romeynen twe raetsheren seyn | den wouden om hispanien te regieren seide die wijse man scipio geen | [5] van beyden en duncket mi te dienen of nutte te wesen om dat lant | te regieren. want die een arm is ende niet en heeft ende die ander nim- | mermeer genoech en heeft ¶ Aldus rekendet hy al euen quaet te | wesen inden bosen tyrannen armoede ende giericheyt Noch scrijft die | selue valerius ende seyt dat tiberius die keyzer die rechters ende dien | [10] res der lantscappen selden plach te vernuwen om dattie niewe altoes | gheneicht waren om ghelt ende giften te nemen. Hier om vindetmen | een exempel van enen ghewonden man dien die vlieghen sijn bloet | sugende bedect hadden daer een ander voerbi leet ende dye vliegen | wt medeliden van hem veriagede dattoe die gewonde man tot hem | [15] seydeO goede vrient du hebste mi quaet gedaen om dat dese vol | waren ende sat ende daer nu ander hongerige weder sellen comen ende mi | meerder pijn an doen. Des gelijc sijn alle officiers als si arm sijn | altoes gierich ende bereyt om ghelt te hebbenMen leset in die fabu | len dat een coninc bat sinen afgod appollo dattet al gout mochte | [20] wesen dat hi hantierden ende het wort hem ghegeuen na sinen wil Hier | na gesciedet als hi spise of dranc in sinen mont soude nemen dat- | tet verwandelt wort in gout ende most van honger steruen. Aldus | doet oec die rijcdom die den rijken gierighen meer gierich maect ende | hem brenget in die ewighe verdoemnissenMen vindet in die croni- | [25] ken gescreuen dattie conincynne tharis doe si den coninc van parsen | hadde geuangen datsi hem sijn hoeft of deede slaen ende dat setten in een | becken vol bloets ende seyde du hebste dorst ghehadt nae bloet | drincke nu so veel alstu wilste Aldus selt den ghierighen ende on | genadighen rechters ende officiers ghescieden na desen leuen dye | [30] hier dorst hebben ghehat int bloet dat is dat goet ende den | arbeyt der armer menschen want dye gierighe menschen sellen | inder hellen drincken ghesmouten gout Een philosooph scrijft | dattie keyser nero ghesien was inder hellen hem seluen te waschen | ende baden in ghesmouten gout Ende doe hi sach een scaer volcks die |

[fol. m2r]

voorspraken ende aduocaten hadden gheweest seide hi tot dien | coemt ghi o gheslachte der menschen die veyl of te coop wart ende | badet v mit mi want ick v dat beste bad nae ghehouden heb |