Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd
[Folio l6v]
| |
 DIe Ga naar voetnoot288 leeu die coninc is van allen dieren vacht sterkeliken | teghen den aern dye conincynne is van dye voghelen | ende hadden by hem alle dieren staende opter aerden | Mer die aern mit horen voghelen sat bouen optie boemen ende | [5] werpende scutte ende pijlen vacht si sterkeliken teghen die bees- | ten Dit sach een voghel grijp die daer voorbi lijden soude dient | wonderlike seer mishaghede. ende ghinc sitten op een houelkijn | daer by ende en vloech daer niet toe Hier om wort die leeu seer | veruaert ende seyde in hem seluen Ist dat dese voghel grijp tegen | [10] mi valt soe sal ic verwonnen wesen Des ghelijc docht die aern | ende seyde Dese voghel grijp heeft een start ende voeten als een dier | Ic sorghe ist dat hi mitten beesten toeualt teghen mi ic en sels | niet moghen houden. Hier om seynden si beyde totten voghel- | grijp hoor boden om hem te vraghen wie hi waer ende dat hi | [15] hem ontbieden woude waer om hy daer sate Welken die vo- | ghel grijp antwoorden Ic ben een voghel ende oec een dier Mer | ic en ben niet inder pertijen h of k Ende dat ic hier sitte dat is om | vreede ende niet om die pertije te sterken Ende doe hi dat antwoort | ghegeuen had wort hi vriendeliken van hem allen ontfanghen | | |
[Folio l7r]
| |
Ende hi ghinc spacieren waer dat hi woude mit den beesten ende | voghelen ende was des an beyden siden wel gheloeft Hieren bin | nen tracteerden die voghel grijp om paeys ende vrede te maken | ende want hi an gheenre side susspect en was soe gauen hem bey | [5] de die partijen in sinen handen te doen dat hem belieuen soude | Doe gaf hi die sentenci ende gheboet dat si alle gader vandaen | souden trecken ende voortmeer niet vergaderen om te strijden | ende vechten mer in vreden bliuen ende seyde WIe Ga naar voetnoot289 in vreden | wil verbliden. en sal niet kiesen enighe side. Aldus sel oec een | [10] yghelic goet mensche gaen tusschen die partijen op dat hi we- | sen mach een soen des gheens dye int heylighe ewangeli seyt. | Salich sijn si die vrede maken tusschen dye partijende menschen | want si ghehieten sellen wesen kinderen godes ysaias die hey | lighe propheet seytO hoe scoen sijn die voeten der gheenre die | [15] vreden bootscappen. Mer die voeten der gheenre die twist en- | de onurede brenghen warden vermaledijt. als die wise man | seyt Die onurede maect ende mit tween tonghen spreket is ver- | maledijt om dat hi veel menschen verstoort heeft die vrede had | den : Men leset int vader leuen dattet op een tijt gheschiede | [20] datter twist was tusschen enen heydenschen man. ende enen | kersten alsoe dat si teghen malkander quamen ghewapent elck | mit sinen vrienden om te vechten Die heylighe vader appollo | nius dit vernemende sprac tusschen beyden om vrede te maken | Mer daer was een wreet hart man diet hooft vander onure- | [25] den was die behinderdent daer hy mocht ende seyde dattet gheen | vrede wesen en soude also langhe als hi leefden Doe seyde die | heylighe man Het sal dan gheschieden alstu segste Want hier | nyemant huden gheslaghen en sal warden dan du Ende dijn | graft sal wesen inden buyck der beesten ende der voghelen. | [30] Dat alsoe gheschieden Want hy wort ter stont inden strijt ver- | slaghen ende int sant ghegrauen: Ende doe sijn vrienden des | anderen daghes vroech quamen om hem te halen ende eerliken | te begrauen beuonden si dat hi vanden ghieren ende beesten op | ghegrauen was ende ghegheten: | |
|