Dialogus Creaturarum dat is Twispraec der creaturen

¶ Van die swan ende die rauen ¶ Dyalogus lxx. |

[fol. k1r]

Swan ²⁴² is een voghel die hoor lijf ouer wit is Die ra- | uen is contrari al heel swart. Daer om veruolghet hy den swan om hoor witheyt ende reynicheyt Alsoe | dat hy op een tijt mit alre vlijticheyt arbeydende was die swan | [5] te beulecken ende te swarten Ende want hi dat int waken des | swans niet doen en mocht socht hi dat subtiliken te doen inden | slaep. In eenre nacht doe die swan sliep ghinc die bose rauen | heymeliken in hoor nest ende mit swarter verwen besmette hy | den swan ende maectese al heel swart Ende alst dach ghewor | [10] den was. ende die swan vanden slaep ontwaeck gheworden | was siende hoe dat si lelick ghemaect was heeft si haer seluen | weder ghewassen also langhe dat si weder wit ende reyn wt | ten water ghegaen is ende seyde WIe ²⁴³ heylich wil wesen | ende onbesmit. die moet sijn altoes van binnen wit: ¶ Dye | [15] rauen is die bose viant die niet sien en mach die reynicheyt en | de puerheyt der dienren godes: Daer om arbeyt hy mit alre | vlijt dat hise besmetten mach. Mer als hi dat int waken niet | doen en mach soe volbrenct hijt dicwijl int slapen. waer om | men altoes inder herten waken moet Augustinus. Dijn vi- | [20] ant waket ende du slapes: Daer om seyt sinte pieter in sijn | eerste epistel: Weest mijn alre liefste sober ende waket inden | ghebeden want uwe wedersaeck dye duuel als een brijsschen | de leeu omme gaet soekende wie dat hi verslinden mach. Di- | en seldi weder staen staerck inden gheloue. Hier om seyt y- | [25] dorus ²⁴⁴. Wye dye onreyn gheest wakende vindt die en mach | hy niet verwinnen: scerpelick aenuecht hy die slapende sijn. | Int vader leuen leestmen dattie bose vianden enen broeder bespot | teden mit becoringhen dat wanneer die broeders dat heylighe | sacrament ontfanghen souden dat si hem in sinen slaep vertoenden | [30] in ghedaente der vrouwen daer hi dan poluci of creech Ende doe | hy den vaders vraghede wat daer in te doen waer ondersoch | ten si sijn leuen. ende beuonden dattet hem niet en quam van | oueruloedicheyt van spijse ende dranck mer wt bespottinghe | vanden bosen vianden Ende rieden hem dat hy daer om nyet |

242 S initiaal, 3 regels hoog, geen zichtbare representant.

243 W initiaal, 1 regel hoog, met zichtbare representant.

244 ydorus lees: ysidorus.

[fol. k1v]

laten en soude sijn hoochtijt te houden Daer na een bespotte- | de hem die viant niet meer Daer men wt verstont dattie viant | dat dede op dat hi hem van soe groten goet oftrecken soude |