Dialogus Creaturarum dat is Twispraec der creaturen

Van dee ¹⁹⁴ voghel sterla die den hase gheuanghen hadDyalogus liii |

194 dee lees: die.

[fol. h1v]

Sterla ¹⁹⁵ is een voghel ghelijck als een kraen dye een grote | anxteliken nebbe heeft. Dese hadde op een tijt een ha | se gheuanghen mit horen beck ofte nebbe Ende al was | si seer hongherich si en woude nochtan die edele spijse niet eten | [5] si en hadse eerst den anderen voghelen laten sien op dat si van hoor | daer of prijs hebben soude dat si so edele spise soude eten Ende | als si den hase voor die voghelen vertoenden waren daer ander | sterker voghelen dan si die die spise begheerden diese hoor oeck | ontnamen ende en gauen hoor niet een stuck daer of Also dat | [10] si hongherich bliuende mit groter droefheyt seyde WIe ¹⁹⁶ | sijn goeden den anderen vertoent. wort dickwijl mit verlies | gheloont ¶ Aldus vint men veel menschen die wt ydelre glo- | rien andere menschen alle hoor goeden vertonen willen op dat | si daer of ghepresen moghen worden Gregorius berooft wil | [15] hy woorden dye sijn scatte openbaerliken byden weghe dra- | ghet. Het sijn oeck veel menschen die alle hoor goede werken | die si doen anderen luden te kennen gheuen. welcken augus- | tinus seyt Verberghe dat goet dattu doeste also veel alstu mo | ghest ende ist dattet niet al verholen en mach bliuen laet dijn | [20] wille sijn dattet verburghen si. Gregorius dat goede werck | moet alsoe ghescieden int openbaer dattie meyninge int ver- | borghen si Item onder die beest dye hi ghedoot heeft sterft hy | dye vander victorien dye hy heeft hem verblidet. ¶ Een fabel | seytmen dat dye wolf had op een tijt een bock gheuanghen |

195 S initiaal, 3 regels hoog, met zichtbare representant.

196 W initiaal, 1 regel hoog, met zichtbare representant.

[fol. h2r]

dat seer lecker ende ionck was Ende dat bockxkijn seyde tot- | ten wolf Verblide dy mit groter blijscap om dattu soe leckeren | boxskijn in dijn ghewout hebste Mer eer dattu mi eteste bid ic | dat ic v mach horen singhen ende alstu singhes soe sal ick dan | [5] sen Doe began die wolf te singhen ende dat boxskijn te sprin- | ghen Alsoe langhe dattie honden dat gherucht hoorden ende | veriaghede den wolf dien si na liepen ende dwonghen hem dat | hijt boxskijn most laten gaen ende dat boxskijn liep wech Dit | is tot een leringhe gheseyt dat een yghelick sijn goet ghebru- | [10] ken ende hebben sal ende niet lude daer of te roepen |