Dialogus Creaturarum dat is Twispraec der creaturen

¶ Van den valck ende den wuwe Dyalogus li. |

[5] DIe ¹⁸⁹ valck is een seer gripende voghel meerre dan enige | van dien gheslachte der gripender voghelen dese ver- | wint den aern als die glosa opten souter seytDese vloech | spacieren in die lucht. die wuwe als hi dit sach sloech hi hem die | ghuuch na mit bespottinge ende riep hem nae verbeyde mijns o | [10] du bose rouer ic sal di al heel naect maken van dinen plumen om | dat tu alle die voghelen beheren wils. beyt mijnre een weynich | ic felt in di wreke van hore alre weghen Mer die valck vliegen | de in die lucht en achtede die woorden niet Dit merkende die wu | verhaelden sine spitighe woorden also dattet valck ten lesten toor | [15] nich wort ende hoech vlieghende viel hi opten wu ende tescoer | dese mit sinen clauwen ende doodese segghende WIe ¹⁹⁰ sijn | sterker quetsen wyl ende bespotten. dye soeckt den doot als | doen die sotten Daer om sellen wy merken dattet gheen cleyn | perikel en is leliken ende bespotteliken te spreken teghen dye | [20] sterker sijn dan wij ende willen te krencken Als die wise man | seyt en wilt nyet kiuen mitten machtighen mensche op dattu | niet en valles in sinen handen Hier om vintmen een fabel dat | een wolf drincken quam int water daer oec een scaep in dranck | onder hem. alsoe dat die wolf toornich was ende riep dat scaep |

189 D initiaal, 3 regels hoog, met zichtbare representant.

190 W initiaal, 1 regel hoog, met zichtbare representant.

[fol. g8v]

toe waer om verstoerste ende makes onreyn dat water dat ic | drincDat scaep antwoorden mit hoemoedicheyt Ic en doe di heer | gheen onrecht ende ick en verstoer dijn water niet. Die wolf | seide Ia wilstu mi oec dreygen toe En weetstu niet wat ic dinen | [5] ouders ghedaen heb des noch gheen ses maenden gheleden sijn | Dat scaep antwoorde Noch ben ic ymmer leuendich al ist di leet | Die wolf seyde sprekes du noch groue beest Ende mittien voer | hy toe ende dode dat scaep ende attet op Aldus doen oeck dye | machtighe vander werlt dye sonder scult die onnoselen on- | [10] dersaten verdriuen ende bederuen daer si konnen ende mogen. | Waer om het een ghemeen segghen is datten heer gheen oer- | saeck en ontbreket op sijn ondersaten: |