Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermd[5] ¶ Van den karper ende trimalus Dyalogus ses ende veertich. | DIe Ga naar voetnoot174 visschen des riuiers op een tijt doe si grote werscap | ende hoechtijt gheho uden hadden toghen si spacieren | ende spelen in groter vredeMer die karper verstoerden | dat gheselscap verheffende hem seluen segghende Bouen allen | [10] visschen ben ick waerdich ghepresen te worden. om dat myn | vleysch alsoe costelick ende lecker is dattet nyemant wtspreken | en mach want ick en worde niet gheuoet inden sloten ende on- | reynen paliarden Mer doch in die reyne viuers waer om dat ic | doch waerdich ben heer te wesen bouen al. Trimalus is een | [15] visch vander zee die ghenoechelick is int aensien ende seer soe- | te van smaecke want si blenct in hoor lichaem ende ruyct als | een bloem. Dese vische als hy die houardie des karpers hoor | den wort seer toornich ende spranck int middel van allen vis- | schen segghende Het en is nyet soe alstu segghes want ick be- | [20] ter ben dan du in goeden roeck ende soeten smaeck Wye isser | mijns ghelijck want wie mi vindet heeft een goeden scat. Al | isset dattu alleen in die nauwe viuers leefte Ic ben in die gro | te wide zee. wt desen wort onder hem beyden grote twiste al | | |
[Folio g3v]
| |
soe datsi alle dat vrolike gheselscap verstoorden ende oeck in | twiste brochten. want sommighe van hem stonden mitten e | nen sommighe mitten anderen. soe dattie twiste alsoe groot | wort datsi alle gader onderlinghe kiuende worden ende mal | [5] kander wouden verderuen Als dit aldus ghesciede quam daer | voort een out wijs vissche truta ghenoemt dye oeck hem allen | veruaerlick was om dat hi sterck was ende alle visschen behe- | ren mocht mit steken ende stoten. Dese seyde. Het en is niet | goet broeders aldus te kiuen om die ydele prys ende lof. Ick | [10] en prijse mijn seluen nyet al ben ick nochtant seer groot ende | waerdich Het is ghescreuen Ander luden mont sal dy prisen | nyet dye uwen want alle prijs stincket in sijn eyghen mont. | Hier om ist beter dat dese twe die hem seluen aldus die een bo | uen den anderen prijsen gaen tot den ouersten rechter vander | [15] zee dat is dat meerswijn die een rechtuaerdich rechter is ende | godvruchtich die dese twiste rechteliken wel neder legghen sal | Dese reden behaechden hem allen wel Ende die twe voorsey- | de visschen toghen te samen totten meerswijn ende gauen hem | te kennen die saeck hore onvreden. Ende een yghelick prijsde | [20] hem seluen voor hem na sijnre macht Doe dit dat meerswijn | hoorden seyde hi. kinderkijns ick en heb v nie ghesien om dat | ghy in die riuieren woent ende ick in der zee alsoe dat ik gheen | recht vonnisse van v ghegheuen en mach wie van beyden dye | beste is ick en moste eerst proeuen wye dat soetste smaeckt. | [25] Ende dit segghende spranck hy tot hem ende atse beyde ende | seyde BOuen Ga naar voetnoot175 die ander en sal hem nyemant seluen prijsen | want dat doen die onuroede ende onwijse. ¶ Aldus vijnt men | veel menschen dye hem seluen altoes prijsen. ende louen hoor | werken bouen andere menschen Die verheuen ende wijs ende | [30] groot gherekent willen wesen in hoochharticheyt Daer dye | rechtuaerdige ende oetmoedighe hem seluen vernederen ende | versmaden Gregorius Dan wassen onse werken voor go- | de als hi voor onsseluen cleyn gherekent worden Daer om leert | | |
[Folio g4r]
| |
ons die ewighe waerheyt int ewangeli ende seyt sinen disci- | pulen Als ghy al ghedaen hebt dat v beuolen is segt nochtant | dat wi onnutte knechten sijn dat wij sculdich waren dat heb | ben wij ghedaen Men seyt een fabel dat die voghelen vonden | [5] te samen een nest van rosen ghemaeckt myt blomen vercyert | Die aern die conynck is van allen voghelen seyde dat hem dat | nest toe behoorden om dat hi die edelste voghel was Hyer op | dede hi by een roepen alle dye andere voghelen ende vraechden | hem allen wye die scoonste van allen was Die koeckoeck ant | [10] woorde dat die koeckoeck dat was Anderwerf vraghede die | aern wye die sterckste was Dye koeckoeck antwoorden: die | koeckoeck. Als dit die aern hoorden wort hi toornich ende | seyde O onsalighe koeckoeck die dy seluen altoes prijseste en- | de nyemant anders en loueste Ende nochtant noch scooen Ga naar voetnoot176 en | [15] biste noch sterck noch oec wel en singhest mer altoes een sanck | singheste. Daer om gheue ick dye sentenci des doods teghen | dy dattu dit nest noch gheen meer na dese tijt hebben en salste | Aldus doen si oeck die hem seluen altoes prijsen want si altoes | mitten koeckoeck singhen enen sanck | |
|